Habakkuk 2:10 - Hawaii Pidgin Bible

¹⁰ You wen make one plan dat goin make shame fo yoa ohana. You plan fo wipe out plenny peopos, But you ony goin jam up yoa life!

Habakkuk 2:10 ပူးပေါင်းရင်းမြစ်များ

1 Kings 2:23

Den King Solomon make one strong promise to Da One In Charge. He tell, “If I no go do wat I tell now, I like God kill me, o do mo worse tings! Dis Adonijah guy goin mahke, cuz he tell you fo come tell me dat!

2 Kings 10:7

Wen da numba two letta come, da leada guys go get da boys an kill all seventy king boys. Dey put dea heads inside clay pots, an sen dem by Jehu inside Jezreel.

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

Smart Guys 1:18

Dese guys, dey try jump somebody, But dey da ones goin bleed, Dey da ones goin mahke.

Smart Guys 20:2

Wen da king get mad, You betta come sked, Jalike you sked wen da lion make big noise! You make da king o da lion mad, You goin mahke!

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

Isaiah 33:11

You Assyria guys, you get big kine plan, But az ony junk kine. You tink fo do plenny, But da wind blow um away. Wen you guys stay breave, Goin come jalike one fire, An da fire goin burn up you guys.

Jeremiah 22:30

Dis wat he tell: “Write down dis Koniah guy name inside da records Jalike he neva have kids. Cuz from now till he mahke, he no goin do notting, No goin get nobody from his blood line Dat goin get da right one fo come king. Dey no can come da kings from King David blood Dat goin get da right fo stay in charge inside Judah!”

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

Jeremiah 36:31

I goin punish him, an his peopo dat come from him, an his helpa guys, cuz a da bad kine stuff dey do. I goin make happen to dem an to da peopo inside Jerusalem an Judah, all da bad kine stuff I tell goin happen to dem, cuz dey all make deaf ear.’ ”

Jeremiah 44:7

“An now, dis wat Da One In Charge, da God Ova All Da Armies, da God fo da Israel peopo, tell: ‘How come you guys stay do all dis real bad kine stuff? You da ones get hurt cuz a dat. You guys cut off erybody from da Judah land, da guys, da wahines, da kids, an da small bebes. An cuz a dat, no mo nobody from yoa peopo alive ova dea.

Nahum 1:14

Da One In Charge tell wat fo do bout you Nineveh peopo: “You guys no goin get kids fo carry yoa name! I goin wipe out da idol kine god statues Dat you guys cut from wood an stone, An da kine gods you guys melt from metal, Dat stay inside da temples fo yoa gods. I goin make yoa graves ready, Cuz you guys stay do stuff dass good fo notting!”

Habakkuk 2:16

You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

Census 16:38

Pick up da fire pans dat da guys use dat wen do bad kine stuff, an dey mahke cuz a dat. Pound da pans wit hammas fo make big metal sheets fo cova da outside a da altar wit um. Cuz dose guys wen use da fire pans wen dey come in front me, Da One In Charge. Dass why da fire pans come spesho fo me. So put da metal from um on da outside a da altar, fo stay jalike one sign fo da Israel peopo.”

Matthew 27:25

An all da peopo tell, “Yeah, us guys an oua kids goin be da one fo take da blame fo kill um!”