Habakkuk 2:1 - Hawaii Pidgin Bible

¹ I goin go stan on top da place Az my kuleana fo guard. An stay dea on top da Jerusalem town wall. I goin watch dea fo find out Wat Da One In Charge goin tell me, An how I can ansa him, Cuz I wen tell him az not good wat he stay do.

Habakkuk 2:1 ပူးပေါင်းရင်းမြစ်များ

2 Samuel 18:24

David stay sit in da middo a da inside gate an da outside gate. Da watcha guy go on top da roof fo da gate, by da top a da wall. Wen he look, he see one guy dat stay run wit nobody.

2 Kings 17:9

Da Israel peopo wen do shame kine stuff an try fo hide um, cuz az not okay wit dea God, Da One In Charge. From da small towns dat ony get one watch towa, to da big towns dat get strong wall aroun dem, da peopo build places on top da hills fo make sacrifice fo da odda gods, nea all dea towns.

2 Kings 9:17

Wen da guy dat stay on top da Jezreel towa fo watch da roads see Jehu army guys stay come, he yell, “Eh, get real plenny army guys I see ova dea!” Joram tell him, “Go get one horse rida guy. Sen him fo meet dem, an aks, ‘You guys come fo fight us, o wat?’ ”

Job 31:35

“I like fo somebody lissen me! I like sign one paypa dat tell I neva do notting wrong! I like Da God Dat Get All Da Powa ansa wat I write! I like da One dat poin finga me, write on top one paypa Fo tell wat I wen do dass wrong!

Job 31:37

I like tell da one dat lissen, eryting I wen do. I like go in front him jalike I one prince dat get da right fo talk to him.

Songs 5:3

Eh! You Da One In Charge! Morning time, Try lissen wat I gotta tell. Ery day morning time, I make one lis a all da tings I like tell you, An I tell you, den I wait.

Songs 85:8

I goin lissen real good To wat God, Da One In Charge, tell. He tell da peopo dat stay tight wit him He goin make eryting go good fo dem. But no good dey go do dumb tings One mo time, you know!

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Isaiah 21:5

Eh, you Babylon leada guys! Make da table ready fo one luau! Put down da mats! Eat an drink up! But make shua yoa shields stay ready! Cuz you goin fight, right now!

Isaiah 21:6

Dis, az wat God my boss tell me: “Go put one watcha guy outside Fo tell us wat he see.

Isaiah 21:8

Den da watcha guy talk loud, Jalike one lion: “Eh boss, ery day I stay on top hea I stay look all da time, Ery nite I stay stan hea all nite.

Isaiah 62:6

Eh you Jerusalem peopo! I stay put guys on top yoa walls fo watch. Day time an nite time, Dey no goin stay quiet. You guys dat stay pray to Da One In Charge Fo no foget wat he wen promise fo do, No res o go sleep.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 6:17

I wen pick watcha guys fo take kea you guys. I wen tell um, ‘Make shua you guys lissen Wen dey blow da sheep horn trumpet Fo tell da peopo watch out!’ But you guys tell, ‘Us no goin lissen!’

Ezekiel 3:17

“Eh! Fo Real Kine Guy! I make you jalike one army guy dat stay on top da towa fo watch an tell da Israel ohana peopo wen get danger. So lissen up, an weneva I tell you someting, go tell dem so dey no get in trouble.

Ezekiel 33:7

“An you, Fo Real Kine Guy—I give you da kuleana fo be da watcha guy fo da Israel peopo. So lissen up wat I goin tell, an tell um fo me, ‘Mo betta you guys watch out!’

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

2 Corint 13:3

Plus, you guys like me show proof dat Christ da One stay talk wen I stay talk. Christ no stay weak wen he do tings fo you guys. He get plenny powa.

Galatia 1:16

God wen like show me his Boy fo real kine fo me teach da peopo dass not Jew guys da Good Stuff Bout Jesus. I neva look fo somebody talk story bout dis,