Habakkuk 1:8 - Hawaii Pidgin Bible

⁸ Dea horses run mo fas den da leopards. Dey mo skery den da hungry wild dogs Wen dey hungry dark time. Wen get war, all dea horses run real fas. Da guys dat ride um come from far away. Dey go jalike one scavenja bird Dat dive down fas fo grab someting fo eat.

Habakkuk 1:8 ပူးပေါင်းရင်းမြစ်များ

Job 9:26

Dey pass jalike da boats peopo make outa reeds. Dey go fas jalike da eagle dive down fo grab food.

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 48:40

Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Jeremiah 5:6

Az why da lions from da fores Goin attack dem. Da wild dogs from da up country boonies goin wipe um out. Da leopards goin wait fo dem nea da towns Fo jump whoeva go outside. Dis goin happen cuz dey go agains me ova an ova, An dey go da wrong way plenny times.’ ”

Jeremiah 50:42

Dey stay carry bow an arrow an short spear fo fight. Dey mean, an dey like hurt peopo, an dey no give chance. Wen dey ride dea horses, Dey soun jalike big noise from da ocean. Dey all line up ready fo fight, An az you guys, da Babylon peopo, dey stay coming afta!”

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Ezekiel 17:12

“Fo dese Israel peopo dat tell, ‘Laytas wit you, Da One In Charge!’ you tell um: ‘Fo shua, you guys donno wat dis story bout da eagles mean! Wen da Babylon king go Jerusalem town, he wen make dea king an dea alii guys prisonas, an bring um back wit him to Babylon town.

Ezekiel 17:3

Tell um, ‘Dis wat Da One In Charge, da Boss, tell: Had one big eagle wit strong wings, long feathers, an plenny odda feathers in all kine colors. He go Lebanon side an grab da top a one cedar tree.

Ezekiel 26:11

Nebukadnezzar horses goin walk all ova yoa streets. His army guys goin kill yoa peopo wit swords. Yoa strong poses goin fall down on top da groun.

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Nahum 2:5

Da leada guy goin call da bestes army guys, Dey almos fall down cuz dey go fas. Da guys dat attack run to da Nineveh town wall, An make ready one big cova Dat let um come nea an bus up da wall.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Matthew 24:28

Wen dat happen, you guys goin know wea I stay. Jalike erybody know wea get someting mahke wen da scavenja birds come togedda ova dea.

Luke 17:37

Den da guys Jesus stay teach tell, “Wea, Boss?” Jesus tell, “Wen dat happen, you guys goin know wea I stay. Jalike erybody know wea get someting mahke, cuz dass wea da scavenja birds come togedda.”

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.