Habakkuk 1:4 - Hawaii Pidgin Bible

⁴ Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”

Habakkuk 1:4 ပူးပေါင်းရင်းမြစ်များ

1 Kings 21:13

Den da two no good guys come dea. Dey sit down right in front Nabot. Dey poin finga Nabot in front all da peopo. Dey tell, “Dis Nabot, he tell he like bad tings happen to God, an to da king!” Den dey all take Nabot outside da town. Dey all throw stone at him, an he mahke.

Job 21:7

“How come da guys dat do real bad kine stuff Stay live long time? Wen dey come ol, dey get even mo an mo powa.

Songs 11:3

An us guys dat like do da right ting, We no can do notting, Cuz da law come poho awready! Jalike da bad guys wen bus up Da foundation undaneat oua house!” Dass how you guys talk.

Songs 119:126

Eh! You Da One In Charge! You gotta do someting now, Cuz get guys dat stay broke yoa Rules.

Songs 22:12

Da guys dat stay agains me, Dey come all aroun me Jalike plenny wild bull from Bashan side Trap me.

Songs 22:16

Da bad guys come all aroun me Jalike wild dogs dat stick togedda. Jalike one gang, dey come close fo hurt me. Jalike one lion, dey rip into my hands an feets.

Songs 59:2

Get me outa trouble From da peopo dat like do bad tings! Help me Fo da peopo dat like kill me, No can!

Songs 59:4

I neva do notting wrong, But dey rush me fo bus me up! Do someting fo help me! See wat stay happen to me!

Songs 94:3

Eh! You Da One In Charge! Da peopo dat stay do bad tings, How long dey goin make tantaran Weneva dey do someting bad?

Outa Egypt 23:2

Even if get plenny peopo tell da same ting, no go togedda wit dem fo help um do someting bad. Wen you go in front da judge, no follow da oddas jus fo make um come good fo yoa frenz.

Outa Egypt 23:6

Wen get peopo by you dat no mo notting an get hard time, an dey gotta go in front da judge, no do notting fo mess um up.

Isaiah 5:20

“Bummahs! fo da guys dat tell Dat da bad kine stuff stay good, An da good kine stuff stay bad! Dey tell, da dark stay light, An da light stay dark! Dey tell, da kine stuff dat taste bad, stay sweet, An da sweet kine stuff taste bad!

Isaiah 59:12

Da One In Charge, da way you see um, Plenny time us guys go agains you. An all da bad kine stuff us wen do, Dat stay agains us in front da judge. Cuz us guys stay go agains you, An da blame fo dat stay wit us foeva. An us know awready, az true Dat cuz a da tings us wen do, God gotta punish us.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Jeremiah 26:8

But wen Jeremiah pau tell all da stuff Da One In Charge tell him fo tell, da pries guys, da guys dat tell dey talk fo God, an all da peopo grab him, an tell, “You gotta mahke!

Jeremiah 8:7

Even da stork bird Know wen az time fo fly away. An da dove, an da small swallow, an da heron bird, Dey all know wen az time fo go away. But my peopo donno wat stay right fo do No matta Me, Da One In Charge tell um wat dey gotta do.”

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Hosea 10:4

Dey make plenny fake promise Dat no mean notting! Dey make plenny deal, But dey no do wat dey wen promise fo do. Az why dey stay take each odda in front da judge. Dey jalike da poison weeds Dat grow inside one field dat somebody wen plow.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Amos 5:7

“Bummahs, fo you guys! You tell peopo Dat eryting da judge tell, no good, An bulai peopo so dey no mo dea rights! Jalike you throw um down on top da dirt!”

Mark 7:9

An he tell um, “You guys jalike da sly mongoose, aah?! You guys know how fo dump da Rules From God, fo you guys stick wit wat some peopo wen teach you long time befo time.

Jesus Guys 7:52

Yoa ancesta guys erytime make da guys dat talk fo God suffa. Yoa ancesta guys even wen kill da guys dat tell dat da Spesho Guy God Wen Pick goin come, da one dat erytime do da right ting. An den, you guys set um up an kill um!

Jesus Guys 7:59

Dey all throw stone at Stephen, an he tell Da One In Charge, “Jesus, you Da One In Charge. Take my spirit!”

Rome 3:31

You tink dat wen we trus God, dat mean we make da Rules From God good fo notting? No ways! We make da Rules come mo solid.

Rules Secon Time 16:19

No judge da wrong way, an no make mo spesho fo some peopo. No take money from peopo fo you do tings fo dem. Cuz dat make da peopo dat know wat fo do erytime jalike dey no can see, an make da peopo dat do wass right erytime jalike dey donno notting.