Habakkuk 1:13 - Hawaii Pidgin Bible

¹³ You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Habakkuk 1:13 ပူးပေါင်းရင်းမြစ်များ

2 Samuel 4:11

Now, I gotta do even moa! Cuz some bad peopo wen go kill one guy dat neva do notting wrong, inside his house an on top his bed. Now, fo shua, I goin pay back you guys fo murda Ish-Boshet! I goin wipe out you guys from dis world!”

1 Kings 2:32

Cuz Joab wen make peopo bleed an mahke, now Da One In Charge pay back Joab. Joab wen go attack an kill two guys, an my faddah neva know wat Joab do till afta. One guy Abner, Ner boy, da general fo da Israel army, an da odda, Amasa, Jeter boy, da general fo da Judah army. Dey mo betta guys den Joab, an dey stay do da right ting mo den Joab.

Esther 4:14

But if you no tell notting dis time, some odda ting goin happen fo get da Jew guys outa dis anodda way. But you an yoa faddah ohana goin all mahke. Nobody know dis fo shua, but maybe az why you wen come inside da king ohana, jus fo dis one ting.”

Job 15:15

Eh! God no even trus da ones inside da sky dat stay spesho fo him, you know. Even da sky not clean da way he see um.

Job 21:7

“How come da guys dat do real bad kine stuff Stay live long time? Wen dey come ol, dey get even mo an mo powa.

Job 24:23

Maybe God goin let dem tink dey strong an stay safe, But he watch how dey ack.

Songs 10:15

Go take away da powa Dat da bad peopo get. Den, wen you pay um back Fo da bad tings dey do, You no goin let um go till dey all come wipe out.

Songs 18:26

Fo da peopo dat stay pono in front God, You show um dat you stay pono in front God too. But fo da sly buggahs, You show um dat you mo akamai den dem.

Songs 25:3

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Songs 35:17

Eh Boss! You ony goin look, O you goin do someting?! Wen dey attack me, Make me stay alive, Cuz I ony get dis one life, you know, An dey come afta me, jalike dey lions!

Songs 35:22

Eh! You Da One In Charge! You see all dat! No hold back! You my boss, aah?! No go far from me!

Songs 35:25

No let dem go figga, “Ho, us guys get wat we like!” No let dem tell, “Us guys wipe him out awready!”

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 50:3

Wen oua God come, He no goin stay quiet. Goin be jalike one fire go in front him An burn up eryting! Goin be jalike get one hurricane Stay aroun him!

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Songs 83:1

God, no jus say notting! No go easy! No hold back fo do someting, God!

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 64:12

So den, Da One In Charge, afta all dese tings happen, You still yet goin hold back, o wat?! You still yet no goin talk notting, o wat?! You still goin make us guys get presha Mo den we can handle, o wat?!

Sad Song 3:36

If somebody judge anodda guy, but no judge da right way, You tink da Boss no see dat?! Fo shua, he see um!

Habakkuk 1:14

Da bad guys make to us guys Jalike dey make to fish inside da ocean. Fo dem, peopo jalike da small animals Dat run aroun an no mo leada.

Zekariah 8:17

No go make plan fo do someting bad to da guys dat live nea you! No go tink az good you bulai wen you make one strong kine promise! I hate all dat kine stuff!” Az wat Da One In Charge tell.

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

Rules Secon Time 23:15

If one slave guy run away from anodda country an come by you, no give him back to his owna.