Ezra 9:6 - Hawaii Pidgin Bible

⁶ I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Ezra 9:6 ပူးပေါင်းရင်းမြစ်များ

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

1 Kings 8:47

But den, yoa peopo goin turn aroun An start fo tink strait, Ova dea inside da land Wea dey stay prisonas. Dey goin change dea mind An beg you fo give um chance, Ova dea inside da land Fo da peopo dat make um prisonas. Dey goin tell you, ‘Us guys wen do bad kine tings An do wrong. Us get da blame fo da bad tings we do!’

2 Records 28:9

But get one guy Samaria side name Oded, dat talk fo Da One In Charge. He go out fo meet da army guys wen dey come back Samaria town. He tell dem, “You know wat?! Da One In Charge, da God fo yoa ancesta guys, he stay real huhu wit da Judah peopo. Az how come he give you guys da powa fo win ova dem. But you guys wen go all out fo kill dem. You guys wen come real plenny huhu an God in da sky see dat.

Ezra 9:13

“You wen punish us plenny awready, fo da bad tings we wen do an fo da shame we get cuz a dat. Still yet, you ony punish us litto bit fo da bad tings us wen do. An you let some a oua peopo come back hea.

Ezra 9:15

You Da One In Charge. You da God fo da Israel peopo. You do wass right erytime. Some a us guys come back hea now, afta we get outa trouble Babylon side. Us guys wen jam up real plenny ova hea. We no can even stan in front you cuz a da shame we get fo wat we wen do!”

Nehemiah 1:6

Try look down hea. I stay pray day time an nite time fo you help yoa peopo, da Israel peopo. I stay tell you fo real kine, us Israel peopo wen do plenny bad kine tings agains you. Me an all my ohana peopo, us do bad kine tings!

Job 40:4

“Me, I one nobody! No ways I can ansa back you. I shut my mout!

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Songs 38:4

I know you gotta punish me Fo wat I wen do, But I no can handle dat. Jalike I gotta carry someting Real heavy.

Songs 38:5

Cuz I wen ack stupid an do bad tings, All da places I stay bleed, Pilau an haunas awready.

Outa Egypt 32:31

So Moses go back by Da One In Charge. He tell, “Try help me! Dese peopo, dey wen do plenny bad ting cuz dey make one gold idol god fo dem!

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 59:12

Da One In Charge, da way you see um, Plenny time us guys go agains you. An all da bad kine stuff us wen do, Dat stay agains us in front da judge. Cuz us guys stay go agains you, An da blame fo dat stay wit us foeva. An us know awready, az true Dat cuz a da tings us wen do, God gotta punish us.

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Jeremiah 31:19

Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Jeremiah 51:9

“Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Sad Song 3:42

“Us guys wen do bad kine stuff, An stan agains you. An you neva let us go fo dat!

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Prieses 26:40

“But maybe dey tell az was wrong, all da bad kine stuff dem an dea ancesta guys wen do. O maybe dey tell az was wrong fo broke my rules an no stay tight wit me. O maybe dey tell az wrong fo dem stay piss off wit me.

Luke 15:21

Da boy tell, ‘Eh Daddy! I wen do someting real bad agains God in da sky, an agains you. I not good enuff fo be yoa boy.’

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”

Rome 6:21

Wat good kine ting you guys wen get from all dat? Notting! You guys ony get plenny shame weneva you guys tink bout dat. Cuz wen you do bad kine stuff, az you da one get cut off from God cuz a dat.

Jesus Show 18:5

Cuz all da bad kine stuff da Babylon peopo stay do, Real plenny, jalike dey stack up to da sky! I know all da tings dey do dat no stay right.