Ezra 9:15 - Hawaii Pidgin Bible

¹⁵ You Da One In Charge. You da God fo da Israel peopo. You do wass right erytime. Some a us guys come back hea now, afta we get outa trouble Babylon side. Us guys wen jam up real plenny ova hea. We no can even stan in front you cuz a da shame we get fo wat we wen do!”

Ezra 9:15 ပူးပေါင်းရင်းမြစ်များ

Ezra 1:4

“Da Jew peopo from all ova da place dat live by you Babylon guys, I like you help dem go home an build dea temple dat stay all bus up now. Give um silva an gold, an animals, an stuff fo eat fo da trip. An give um extra money too, fo da temple fo God dat dey goin build Jerusalem side.”

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Nehemiah 9:8

You wen look inside Abraham heart an see, Dat he da kine guy you can trus. You make one deal wit him. You tell him: ‘All da peopo dat goin come from you, I goin give to dem, da land wea da Canaan peopo live, An da Het peopo, da Amor peopo, da Periz peopo, Da Jebus peopo, an da Girgash peopo.’ You do eryting jalike you wen promise fo do befo time. Cuz you do wass right erytime.”

Songs 116:5

Da One In Charge, he like give peopo chance, An he erytime do wass right fo dem. Oua God, he erytime get pity fo dem.

Songs 119:137

Eh! You Da One In Charge! You erytime do da right ting! Da tings you tell cuz you da judge, Dey pono!

Songs 130:3

Da One In Charge, I know You no make one lis A all da bad tings da peopo do, Cuz if you make one lis lidat, Fo shua no mo nobody Goin stay alive!

Songs 143:2

No come hea jus fo judge me, Yoa worka guy. Cuz wen erybody stan in front you, Fo shua no mo nobody dat stay alive Can come right wit you.

Songs 76:7

But you, God, Dey betta come sked a you! No mo nobody can go agains you Wen you had it wit wat dey stay do!

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Ezekiel 33:10

“Eh! Fo Real Kine Guy! Tell da Israel peopo, ‘Dis how you guys talk: “Us go agains God plenny! Get plenny bad kine stuff us wen do! Az jalike get one big presha on top us dat stay eating us away cuz a all dat! How us goin stay alive, aah?” ’

Ezekiel 7:16

Erybody dat still stay alive, dey goin run away to da mountains. Dey goin make sad kine noise jalike da valley kine doves cuz all dem wen do wass wrong.

Daniel 9:14

You, oua God, dass Da One In Charge, you no wait fo drop da bad kine stuff on top us, cuz you do da right ting erytime. But still yet we no lissen you.

Prieses 26:40

“But maybe dey tell az was wrong, all da bad kine stuff dem an dea ancesta guys wen do. O maybe dey tell az was wrong fo broke my rules an no stay tight wit me. O maybe dey tell az wrong fo dem stay piss off wit me.

Prieses 26:41

An fo me, fo shua all dat make me stay piss off wit dem too. Az why I sen dem inside da land a da peopo dat stay agains dem. Dey neva like lissen me. But wen dey start fo tink dey notting, an dey tell az okay fo me punish dem cuz a da bad kine stuff dey wen do,

John 8:21

Jesus tell da Pharisee guys one mo time, “I goin go away, an you guys goin look fo me. Da place I goin go, you guys no can go dea. But you guys goin get cut off from God foeva cuz a all da bad kine stuff you guys stay do.”

John 8:24

Dass why I tell dat you guys goin get cut off from God foeva cuz a all da bad kine stuff you guys stay do. Cuz if you guys no stay shua dat I da Spesho Guy, den you guys goin mahke from all da bad kine stuff you stay do.”

Rome 10:3

Dey donno wat God wen do awready fo make us guys get um right wit him. Cuz a dat, dey try fo get um right wit God how dey like, an dass why dey no like lissen wen he tell um how fo get um right wit him.

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

1 Corint 15:17

Try tink: if Christ neva come back alive afta he wen mahke, den you guys jalike ony wase time fo trus God. Cuz you guys still yet get da shame fo all da bad kine stuff you guys wen do!

Joshua 22:15

Wen Finehas guys come Gilead side, to da Reuben ohana, da Gad ohana, an half da Manasseh ohana, dey tell dem: