Ezra 3:3 - Hawaii Pidgin Bible

³ Da peopo dat come back, dey sked a da peopo from anodda place dat come dea afta da Babylon army guys take away da Israel peopo befo time. But dat no matta. Da ones dat come back make one new altar, da same place wea da ol altar was dat wen get bus up. Right den an dea dey start fo make sacrifice fo Da One In Charge on top da new altar, da kine sacrifice you burn up da whole animal. Dey make um ery day, morning time an evening time.

Ezra 3:3 ပူးပေါင်းရင်းမြစ်များ

1 Records 16:40

He leave dem dea fo dem make da burn up kine sacrifice fo Da One In Charge ery day, morning time an almos dark, on top da altar fo da burn up kine sacrifice. Dey make um jalike da rules tell dat Da One In Charge wen give da Israel peopo.

2 Records 4:1

Solomon make one bronze altar fo sacrifice, thirty feet long, thirty feet wide, an fifteen feet high.

Ezra 4:4

From dat time, da odda peopos dass not Jew guys dat live aroun dea make da Judah peopo lose fight, an try fo make um real sked fo dem no go work.

Ezra 5:15

King Cyrus tell Sheshbazza, “Go take all dis stuffs, an put um inside da Temple Jerusalem side. Den you guys go build da House Fo God one mo time, same place jalike befo time.”

Ezekiel 43:16

Da place fo da altar fire stay twenny-one feet square.