Ezra 3:12 - Hawaii Pidgin Bible

¹² But plenny pries guys an Levi ohana guys an leada guys dat was older, dey no foget how da firs Temple was befo time wen come bus up. Az why dey cry plenny wen dey see da foundation fo da new Temple. But da younga peopo, dey yell plenny cuz dey stay real good inside.

Ezra 3:12 ပူးပေါင်းရင်းမြစ်များ

Ezra 3:13

Peopo dat stay far from dea hear da big noise. Some a dem stay yell cuz dey stay good inside, an some a dem stay cry plenny!

Job 8:7

Den, you know, da way you wen start Goin look jalike you neva have notting, Cuz bumbye you goin get plenny stuffs.

Songs 126:6

Fo shua, whoeva go out Wit one bag seed fo plant um, No matta dey stay cry plenny Dat time, Bumbye, wen dey bring back Da wheat dey tie up, Dey goin yell plenny, Cuz dey stay real good inside!

Songs 147:1

Eh you guys! Tell good tings Bout Da One In Charge! Cuz az good, you know, Us guys sing fo oua God. Az nice, we tell good tings bout him.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 60:22

Da mos litto bit peopo goin come tousan peopo. Da mos small ohana goin come one strong country. Me, Da One In Charge! Wen da right time come, I goin make um happen, right den an dea!”

Jeremiah 50:4

Da One In Charge tell, “Dass goin be da time Wen da Israel peopo an da Judah peopo Goin like fo come tight wit dea God, Da One In Charge. Dey goin cry real hard Cuz dey like come tight wit him.

Haggai 2:3

‘Get anybody from you guys dat come back hea alive now, dat wen see dis house befo time? You wen see um wen stay real awesome? How you tink stay now? Fo shua you tink dis one look jalike notting, aah?!’

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”