Ezra 10:5 - Hawaii Pidgin Bible

⁵ So Ezra stan up. He make da main pries guys, an da Levi ohana guys, an all da odda Israel peopo make one strong promise to God dat dey goin do jalike Shekanaiah tell. So dey all make da same strong promise to God.

Ezra 10:5 ပူးပေါင်းရင်းမြစ်များ

Ezra 10:3

Dis wat we betta do: We make one strong promise fo make one deal wit oua God fo sen back all oua wifes an dea kids dat come from da odda peopos. Eh Ezra, you da boss ova hea, an dass wat you stay tell us. An all da oddas dat stay sked an shaking wen dey hear wat oua God tell um fo do, dey stay tell us da same ting. Az why we goin do wat you tell us fo do. We goin do how da Rules From God tell.

Nehemiah 10:29

togedda wit oua braddahs an sistahs an dea leadas, we all tell us goin live da way da Rules From God tell. We make one strong promise an tell God fo do bad tings to us if we no live dat way! Cuz God wen give his worka guy Moses his Rules fo give um to us guys, fo us do eryting dat Da One In Charge a us guys tell us we gotta do, an all da odda tings he tell cuz he da Judge.

Nehemiah 13:25

I tell dem fo real kine, “Az wrong!” I tell dem off. I bus um up. I even pull out da hair from some a da guys! Den I make dem make one strong promise an aks God fo wipe dem out if dey no do wat dey tell dey goin do. Dis da promise: “You guys no goin let yoa daughtahs marry da guys from da odda peopos. You no goin marry da wahines from da odda peopos, an you no goin let yoa boys marry dem.

Nehemiah 5:12

Dey tell, “We goin give um back eryting. We no goin aks fo notting no moa. We goin do um how you tell.” Den I tell da pries guys fo come, an I make da leada guys make one strong promise in front da pries guys fo do wat I tell um fo do.

Smart Guys 1:5

Da smart peopo dat know awready wat fo do, Dey goin lissen up mo an moa, An erytime dey goin undastan even mo betta. Da peopo dat lissen good, Dey goin find out wat dey gotta do.

Smart Guys 15:23

Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!

Smart Guys 27:9

Wen one fren kokua you An tell you how da bestes way fo do someting, Az real sweet! Make you feel good inside Jalike wen somebody give you olive oil an perfume.

Smart Guys 9:9

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

Matthew 26:63

But Jesus still no talk. So da Main Pries Guy tell him, “Eh, you! You gotta swea to God bout dis. Tell us in front da God dat stay alive fo real kine! Tell us, if you da Christ Guy dat God suppose to sen. You God Boy, o wat?”