Ezra 1:6 - Hawaii Pidgin Bible

⁶ All da peopo dat live aroun dem help um plenny too. Dey give da Israel peopo plenny bowl an pot, da silva an gold kine, an stuff fo eat fo da trip, an animals. Dey give dem plenny nice gif, an money fo da Temple cuz dey all like help.

Ezra 1:6 ပူးပေါင်းရင်းမြစ်များ

1 Records 29:9

Da peopo stay good inside cuz dea leada guys like give plenny stuff, cuz dey go all out fo give um fo Da One In Charge wit one good heart. An King David stay plenny good inside too.

Ezra 1:4

“Da Jew peopo from all ova da place dat live by you Babylon guys, I like you help dem go home an build dea temple dat stay all bus up now. Give um silva an gold, an animals, an stuff fo eat fo da trip. An give um extra money too, fo da temple fo God dat dey goin build Jerusalem side.”

Ezra 8:33

Da day numba four afta we come Jerusalem, we go da Temple Fo Oua God. Ova dea we weigh da silva metal an da gold metal an all da bowls an odda tings. We give eryting to Meremot Uriah boy, da pries guy, an to Eleazar Finehas boy. Two a da Levi ohana guys, Jozabad Jeshua boy an Noadaiah Binnui boy. Dey wen check um too.

Nehemiah 6:9

All dem Sanballat guys ony like make us come sked. Dey tink dis bout us, “Da Jew guys goin come too weak, an dey goin lose fight an no can build da wall.” But now I pray to God fo make my hand strong!

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Songs 110:3

Wen you take yoa army guys Out fo fight, Dey all goin like go wit you. You goin wear fancy kine clotheses Dat show you spesho fo God. You goin feel jalike you stay young One mo time. You goin go out wen da dew come On top da grass From early morning time Wen da light come out.

Outa Egypt 12:35

Da Israel peopo do how Moses tell um befo time fo do. Dey aks da Egypt peopo fo give um dea silva an gold kine jewelry, an clotheses.

Outa Egypt 12:36

Da One In Charge, he make da Egypt peopo tink real good bout da Israel peopo, so da Egypt peopo give da Israel peopo eryting dey aks fo give dem. Dass how da Israel peopo get stuff from da Egypt peopo.

Isaiah 35:3

So make da peopo come strong, Da ones dea hands shake an stay drop stuff. An dea knees no let um stan up strait.

2 Corint 9:7

All da guys gotta figga how much fo give. No good somebody get one “I no like give!” kine attitude wen he give um. No mo nobody suppose to make um give. Cuz God get plenny love an aloha fo da guy dat give wit one good heart an feel good inside.