Esther 8:3 - Hawaii Pidgin Bible

³ One mo time Esther talk to da king. She go down by da king feets an cry, an beg da king fo stop da real bad plan dat Haman da Agag guy wen make agains da Jews.

Esther 8:3 ပူးပေါင်းရင်းမြစ်များ

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

Hosea 12:4

Jacob wen wresso wit one angel guy an win! Den he cry an beg da angel fo do someting good fo him. Laytas, Jacob find God Bethel side. An talk wit him ova dea.

Isaiah 38:2

Hezekiah turn his whole body fo face da wall, an he pray to Da One In Charge,

Esther 7:4

Cuz somebody wen sell out me an my peopo fo kill us. If dey ony wen sell us fo come slaves, da guys an da wahines, den I no say notting, an I no like bodda you wit dis. Cuz da kine trouble us guys goin get from come one slave, ony litto bit.”

2 Kings 4:27

But wen she come by da guy dat stay tight wit God on top Mount Carmel, she go down fo show um respeck, an grab his feets. Gehazi come ova fo push her away, but Elisha tell, “No do notting! She stay real bum out. An Da One In Charge no tell me notting yet.”

1 Samuel 25:24

Down by his feets, she tell, “You da boss! Let me be da ony one get da blame fo all dis. Yeah, try let me, yoa worka wahine, tell you someting. Lissen up wat I goin tell.

Esther 3:1

Afta all dese tings happen, King Xerxes give plenny powa to Haman, Hammedata boy. He from Agag. King Xerxes make him mo importan den all da odda alii guys.

Esther 8:2

Da king take off da ring he use fo stamp his paypas, dat he wen take back from Haman, an give um to Mordecai. Esther put Mordecai in charge a Haman house an land.

Esther 8:4

Den da king put out da gold rod in his hand to Esther, an den she stan up in front him.