Esther 10:2 - Hawaii Pidgin Bible

² All da stuff da king do dat show his powa, an erything bout da stuff dat Mordecai do, an how King Xerxes wen make Mordecai come real importan, da palace guys write all dat inside da Record Book Fo Da Kings Fo Media An Persia.

Esther 10:2 ပူးပေါင်းရင်းမြစ်များ

1 Kings 11:41

Get plenny odda tings Solomon wen do—da tings he make, da way he show peopo how he know wat fo do erytime. All dat, stay inside da govmen books bout Solomon time.

1 Kings 14:19

All da odda stuff Jeroboam wen do, how he make war an how he lead da peopo, all dat stay write down inside da Record Book Fo Da Israel Kings.

1 Kings 22:39

Had odda stuff happen wen Ahab stay king. All da tings he wen do—da palace he wen build wit ivory kine decoration, da towns he wen put strong wall aroun—all dat stay write inside da Record Book Fo Da Israel Kings.

Esther 2:23

Wen da police guys check out wat she tell, an find out az wass true, dey hang da two palace guys. An dey write all dat inside da record book fo da king.

Esther 6:1

Dat nite da king no can sleep. Az why he tell his guys bring da record book, da one wea dey write down eryting dat happen from da time he come king. He like fo somebody read um fo him.

Esther 8:15

Mordecai go out from wea da king stay. He wear king kine blue an white clotheses, one big gold crown, an one purple kine robe wit da bestes kine linen from Egypt. Inside Susa town erybody make one big party an stay feel real good inside.

Esther 8:2

Da king take off da ring he use fo stamp his paypas, dat he wen take back from Haman, an give um to Mordecai. Esther put Mordecai in charge a Haman house an land.

Esther 9:4

Mordecai come one importan guy inside da palace now. Erybody inside all da districks hear bout him. So he get mo an mo powa.

Songs 18:35

Eh God! You wen get me outa trouble Jalike you give me yoa shield fo me no get hurt. You hold me wit yoa strong hand fo me no fall down. You take kea me plenny, An cuz you help me, you make me come importan.

Daniel 2:48

Den da king wen make Daniel one real importan guy an give him plenny present. He make Daniel da main leada guy ova all da Babylon districk, an put him in charge a all da smart guys Babylon side.