Efesus 4:8 - Hawaii Pidgin Bible

⁸ Dass why da Bible tell dis from befo time, “He go up to da high place. He fight an win, an take plenny prisonas. An he give plenny stuffs to da peopo.”

Efesus 4:8 ပူးပေါင်းရင်းမြစ်များ

Esther 2:18

Den da king make one big party fo Esther, an tell all da alii an da leadas fo come. He make one spesho day fo all da districks, an give erybody plenny presents.

Songs 68:18

You wen go up to da mos high place. You wen capcha plenny prisonas. You wen take da presents Peopo bring you, Even da peopo Dat no like fo Yah live dea, Dass God, Da One In Charge!

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Efesus 4:11

He da same One dat “give us powa.” Dat mean, he give powa to us church peopo. Fo some guys, he give um powa fo go all ova fo tell peopo bout him. Fo odda guys, he give um da powa fo talk fo him. Fo odda guys, he give da powa fo tell peopo da Good Stuff bout him fo dem trus him. An fo odda guys, he give um da powa fo teach his peopo an take kea dem jalike da sheep guys stay take kea dea sheeps.

Colosse 2:15

He take away da powa from all da main spirits an da odda bosses. He shame um in front erybody, jalike da army guys do in da winna parade.

Local Leadas 5:12

‘Deborah, wake up! Wake up! Wake up an sing someting! Barak, Abinoam boy, get up! Take da guys you wen make prisonas!’

1 Samuel 30:26

Wen David come back by Ziklag, he sen some a da stuff da Amalek guys wen rip off to his frenz, da older leadas fo da Judah ohana. He tell dem, “Hea! I like give you guys some a da stuffs dat da guys dat stay agains Da One In Charge wen rip off from you guys.”