Efesus 1:9 - Hawaii Pidgin Bible

⁹ God had one plan fo wat he goin do, an stay secret till now. But now, he show us guys da plan fo all da tings he like do, an he pick Christ fo make da plan happen.

Efesus 1:9 ပူးပေါင်းရင်းမြစ်များ

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Jeremiah 2:29

Da One In Charge tell, “How come you guys poin finga me? All you guys go agains me.

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.

Luke 2:14

“Up inside da sky wea God stay, He stay awesome! An ova hea on top da earth, If God like wat peopo stay do, He goin make dem So notting bodda dem.”

Jesus Guys 13:48

Wen da peopo dass not Jew guys hear dat, dey come good inside, an tell good stuff bout wat Da One In Charge tell. An da peopo dat God pick fo get da real kine life dat goin stay to da max foeva, dey trus him.

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

Jesus Guys 4:28

Dey do wat you know from long time befo gotta happen. An you let dem do dat.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Rome 8:28

Us guys know dis too: God make eryting come out all good fo da peopo dat get love an aloha fo him. God da one wen pick dem fo do wat he like dem fo do. An God get dis plan from befo time wen he tell um, “Go come! Be my guys!”

1 Corint 1:21

You know God, he know wat fo do erytime. He neva let da peopo inside dis world figga how dey can know him fo real kine. Cuz da kine smarts dey get inside dis world, not good enuff fo know him. God, he figga lidis: Mo betta sen some guys aroun fo tell da peopo bout him, no matta get peopo dat figga da guys he sen kinda pupule fo talk lidat. But God figga dat from da stuff his peopo tell, odda peopo can trus him, an dass how he goin take um outa da bad kine stuff dey stay do.

Galatia 1:12

I neva get um from peopo, an nobody teach um to me. Jesus, da Spesho Guy God Wen Sen, wen show um to me.

Galatia 1:15

But God wen pick me even befo I born. Laytas he tell me fo come by him cuz he like do someting spesho fo me.

Galatia 1:16

God wen like show me his Boy fo real kine fo me teach da peopo dass not Jew guys da Good Stuff Bout Jesus. I neva look fo somebody talk story bout dis,

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.

Efesus 1:8

God erytime go all out fo us guys. He know how eryting stay, an he know da right tings fo do.

Efesus 3:11

God, he make dat plan from befo time fo do all dat stuff. An Jesus Christ, Da One In Charge a us guys, he da One dat wen do um.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

2 Timoty 1:9

Eh! God wen take us outa da bad kine stuff we do. He wen pick us fo go all out fo him. He neva do dat cuz a wat us guys wen do, But he wen do dat cuz he wen make one plan fo do dat, An he like do good tings fo us guys. He wen do all dat fo us befo da world wen start, Cuz he know us goin stay tight Wit his Spesho Guy Jesus Christ.