Daniel 9:6 - Hawaii Pidgin Bible

⁶ We neva lissen da guys dat work fo you an talk fo you. Dey talk fo you cuz dey know wat kine god you. Dey wen talk to oua king guys, oua leada guys, an oua ancesta guys, an all da odda peopo inside da land.

Daniel 9:6 ပူးပေါင်းရင်းမြစ်များ

2 Kings 18:12

All dat happen cuz dey no lissen dea God, Da One In Charge. Dey broke da deal wit him, an no do eryting dat Moses, da guy dat wen work fo Da One In Charge, tell um dey gotta do. Dey no lissen wat Da One In Charge tell, an dey no do um.

2 Records 33:10

Da One In Charge talk to Manasseh an his peopo, but dey neva lissen.

Ezra 9:7

From da time oua ancesta guys wen live to now, us guys get uku pile a shame. An cuz a da bad kine stuff us guys stay do, you wen let da kings from odda lands take ova us guys—oua kings an prieses an erybody. Dey kill us wit swords, an drag us away fo work fo dem. Dey take eryting we get, an dey make us come plenny shame. An dat stay happen one mo time right now!

Nehemiah 9:30

Fo plenny year you hang in dea wit yoa peopo. You wen sen yoa Spirit fo tell da guys dat talk fo God Fo tell da peopo, ‘Wise up!’ but dey still yet no lissen. So den, you let da peopo from odda lands Take ova yoa peopo.

Nehemiah 9:32

“So now, we like tell dis to you Cuz you da God dat stay big an strong An we stay sked a you: You stay do wat you promise fo do, An you erytime stay tight wit yoa peopo. An us guys know dat da way you see um, All da bad kine stuff we do, az not manini, But real serious fo oua king guys an alii guys, Oua pries guys an da guys dat talk fo God, Oua ancesta guys, an all yoa peopo. We all stay tired cuz we suffa all dis, From da time wen da Assyria king guys come agains us till today.

Nehemiah 9:34

But oua king guys, da odda alii guys, Da pries guys, an all oua ancesta guys, Dey neva do wat yoa Rules tell um fo do. Dey no lissen da tings you tell um fo do. An dey no lissen wen you wen tell um Fo watch out, no do um.

Jeremiah 26:5

My worka guys tell you guys fo lissen. Dey da ones dat talk fo me. I stay sen um by you guys ova an ova, but you guys still no lissen dem. An if you guys no lissen,

Jeremiah 29:19

Az cuz da peopo hea no lissen wat I tell. No matta my guys dat work fo me an talk fo me tell dem ova an ova, dey no lissen. An you guys dat stay prisonas Babylon side, you guys no lissen too.” Az wat Da One In Charge tell.

Jeremiah 44:16

“No ways! We no goin lissen wat you tell us guys, no matta you tell us you stay talk fo Da One In Charge!

Jeremiah 7:13

Still yet, you guys stay do all da bad kine stuff I stay talk bout. Me, I Da One In Charge, fo talk to you guys ova an ova, but you guys no lissen. I wen call you guys, but you guys no ansa.

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Daniel 9:10

Us neva lissen you, oua God, dass Da One In Charge a us, fo live da way you wen teach us, da way yoa worka guys dat talk fo you wen tell us.

Daniel 9:9

God, you da Boss. You da One show pity an let us go, no matta us wen go agains you.

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Jesus Guys 13:27

Da peopo inside Jerusalem an dea leadas, dey neva know who Jesus was. Dey neva undastan wat da guys dat talk fo God wen write down befo time, no matta dey read um inside dea Jew churches ery Res Day. So wat da Jerusalem leada guys do, dey poin finga Jesus. An dass how dey make happen all da stuff da Bible tell.