Daniel 9:5 - Hawaii Pidgin Bible

⁵ But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Daniel 9:5 ပူးပေါင်းရင်းမြစ်များ

2 Kings 18:12

All dat happen cuz dey no lissen dea God, Da One In Charge. Dey broke da deal wit him, an no do eryting dat Moses, da guy dat wen work fo Da One In Charge, tell um dey gotta do. Dey no lissen wat Da One In Charge tell, an dey no do um.

2 Kings 21:15

I do dat, cuz my peopo stay do real bad kine stuff da way I see dem, an dey make me come real huhu, from da time dea ancesta guys wen come outa Egypt till today.”

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Songs 106:6

Us guys, we do bad kine stuff, Jalike oua ancesta guys wen do. Us make crooked kine, An do wass wrong.

Songs 119:102

I no go da odda way An do diffren kine stuff. But I do da tings you tell Cuz you da judge, Cuz you, you wen show me Da way fo go.

Songs 119:176

Jalike one lost sheep Dat donno wea he going, I wen go da wrong way. So, try come an find me, yoa worka guy, Cuz I no foget da tings You tell me fo do.

Songs 18:21

Cuz I make shua I do eryting da way Da One In Charge like, I no go do stuff dat no stay right, An I no go way from my God.

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 59:13

Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.

Isaiah 64:4

From da time eryting start, Nobody eva hear o see Some odda god dat do awesome stuff Fo da peopo dat stay wait fo him. You da ony God can make lidat.

Jeremiah 14:20

You Da One In Charge, An us guys know we wen do bad kine stuff. Fo shua, wat oua ancesta guys wen do was wrong. All us guys do bad kine stuff agains you.

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 44:3

Az cuz da peopo ova dea wen do real bad kine stuff. Dey make me come real huhu wen dey burn incense an do any kine stuff fo da idol kine gods. Dem guys an you guys an yoa ancesta guys, dey neva know dose gods befo time.

Sad Song 1:18

Da Jerusalem peopo tell: “Da One In Charge do da right kine ting erytime. But I wen go agains wat he tell me fo do. Lissen, all you peopos! Look how I suffa. My young guys an wahines Wen come prisonas an go one far place.

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 3:42

“Us guys wen do bad kine stuff, An stan agains you. An you neva let us go fo dat!

Ezekiel 5:6

But da Jerusalem peopo, dey go agains my rules an do mo bad kine stuff den da peopos dat donno me. Dey go agains wat I tell um dey gotta do, even mo den da odda countries nex to dem. Cuz dey tell laytas to my rules, an dey no ack da way dey suppose to ack, jalike how I tell um fo ack.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Daniel 9:11

All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Daniel 9:15

“Da way I figga, you oua Boss an oua God! You wen bring yoa peopo outa Egypt wit yoa strong powa. You wen do dat fo let erybody know from dat time till now, wat kine god you. But us guys do bad kine tings. We no do how we suppose to do.

Daniel 9:9

God, you da Boss. You da One show pity an let us go, no matta us wen go agains you.

Hosea 1:2

Wen Da One In Charge start fo use Hosea fo talk to da Israel peopo, he tell Hosea, “Go marry one hoa, so some a her kids goin come from guys dat not her husban. Dass fo show dat da Israel peopo, same way dey tell ‘Laytas’ to me an fool aroun wit odda gods!”

Malakai 3:7

From da time dat yoa ancesta guys wen live, You guys erytime turn aroun an go da odda way from my Rules. An you guys no stick wit um. Go come back an be my guys one mo time! An I goin come back to you guys! Me, Da One In Charge, Da God Ova All Da Armies, Dass wat I tell.” But you guys tell, “How us guys goin come back?! Us guys neva go way!”

Hebrews 3:12

Eh, my braddahs an sistahs, watch out! Make shua dat nobody get one pilau kine attitude, da kine wea dey no trus God, an da kine attitude wea dey tell God, da One dat stay alive fo real kine, “Laytas wit you!”