He tell God dis: “Eh! You Da One In Charge! You da God fo us Israel peopo! No mo anodda god dat stay like you. Not inside da sky up dea, Not on top da earth down hea. You do jalike you wen make one deal wit oua peopo fo do. You stay tight wit us guys dat stay work fo you, An dat stay live in front you wit one good heart.
Daniel 9:4 - Hawaii Pidgin Bible4 I tell my God, Da One In Charge, I know wat oua peopo wen do wass wrong. Dis how I pray: “Bummahs, Boss, you da big God! You awesome an unreal! Wen you make one deal, you do eryting you wen tell you goin do. You stay tight wit da peopo dat get love an aloha fo you an dey lissen wat you tell um fo do. အခန်းကိုကြည့်ပါ။ |
Daniel 9:4
30 ပူးပေါင်းရင်းမြစ်များ
If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.
“So now, we like tell dis to you Cuz you da God dat stay big an strong An we stay sked a you: You stay do wat you promise fo do, An you erytime stay tight wit yoa peopo. An us guys know dat da way you see um, All da bad kine stuff we do, az not manini, But real serious fo oua king guys an alii guys, Oua pries guys an da guys dat talk fo God, Oua ancesta guys, an all yoa peopo. We all stay tired cuz we suffa all dis, From da time wen da Assyria king guys come agains us till today.
But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)
But one ting I tell you guys gotta do— You gotta tell wat you wen do az wrong, An dat you guys wen go agains me, yoa God, Da One In Charge, An dat you guys fool aroun all ova da place Wit odda peopo gods, Unda all da trees dat get big shade. An wen I talk, you guys no lissen, you make deaf ear! Az wat Da One In Charge tell.’ ”
Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.
Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.
ကြော်ငြာတွေ