Daniel 9:11 - Hawaii Pidgin Bible

¹¹ All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Daniel 9:11 ပူးပေါင်းရင်းမြစ်များ

2 Kings 18:12

All dat happen cuz dey no lissen dea God, Da One In Charge. Dey broke da deal wit him, an no do eryting dat Moses, da guy dat wen work fo Da One In Charge, tell um dey gotta do. Dey no lissen wat Da One In Charge tell, an dey no do um.

2 Kings 22:16

‘Dis da message from Da One In Charge: Me, I da One goin make real bad kine stuff happen all ova dis place. Dat goin happen to all da peopo dat live hea. I goin make eryting happen dat stay tell inside da book dat da Judah king wen read.

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Isaiah 43:28

Az why I put kahuna On top da main leada guys Fo da Temple Dat Stay Spesho Fo Me, So dey no can come inside fo pray. An I tell dem dat I wen put kahuna On top da Jacob ohana fo wipe dem out. Erybody goin talk bad Bout da Israel peopo.”

Jeremiah 16:11

Den you tell dem, ‘Dis wat Da One In Charge tell: Yoa ancesta guys wen bag from me. Dey stay tight wit odda gods, dey work fo dem, an dey go down an pray in front dem. Dey bag from me, an no do wat my Rules tell.

Jeremiah 2:29

Da One In Charge tell, “How come you guys poin finga me? All you guys go agains me.

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Jeremiah 40:3

So now Da One In Charge stay do eryting jalike how he wen tell he goin do. All dis stuff happen cuz you guys do bad kine stuff agains Da One In Charge, an you neva lissen him.

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Jeremiah 44:23

You guys burn incense an wen do bad kine stuff agains Da One In Charge. You guys no lissen wat Da One In Charge tell you, o follow his rules, o do da odda stuff he tell you guys you gotta do. You no live da way he like you fo live. An az why all dis bad kine stuff happen to you guys, jalike how stay now.”

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Daniel 9:13

Jalike Moses wen write inside da Rules, all dis bad kine stuff wen happen to us guys. But still yet we no come back to you, oua God, Da One In Charge a us. Us guys still yet stay do da bad kine stuff. An we no tink bout how eryting you tell stay true.

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Zekariah 7:12

Dey make dea head jalike da hard stone, fo dem no lissen da Rules From God, o da tings dat Da One In Charge, da God Ova All Da Armies, wen tell da guys dat talk fo him befo time by his Spirit. Az why Da One In Charge, Da God Ova All Da Armies, had it wit wat dose guys stay do.”

Zekariah 8:13

Fo shua, da odda peopos wen like put kahuna on top you Judah an Israel guys. But now I goin get you guys outa trouble! An you guys goin do good tings fo odda peopos. No sked! Come strong!”

Rules Secon Time 8:20

Jalike da odda peopos dat oua God, Da One In Charge, stay wipe out wen you guys fight um, az how he goin wipe out you guys if you guys no lissen him.