Daniel 8:2 - Hawaii Pidgin Bible

² Fo dis dream, me Daniel stay da Elam districk, inside da part a Susa town dat get strong wall. I stay stan by da side a da Ulai Canal.

Daniel 8:2 ပူးပေါင်းရင်းမြစ်များ

Start 10:22

Dis da peopos dat come from Shem: Elam, Asshur, Arpakshad, anodda Lud guy, an Aram.

Start 14:1

Dat time, had one king, King Kedorlaomer from Elam town dat wen take ova plenny odda towns all ova da place. Fo twelve year, him an three odda king guys from da big towns da east side aroun Babylon wen stay go togedda fo give hard time to da peopo dat live aroun da valley wea Lot stay live. Dea names, King Kedorlaomer from Elam, King Amrafel from Shinar, King Ariok from Ellasar, King Tidaal, da king guy fo diffren peopos. Dem four king guys an dea army guys, ery year dey put presha on da peopo dat live west side aroun Sodom. Da peopo dat side get five king guys fo dea big towns. Dea names, King Bera from Sodom, King Birsha from Gomorrah, King Shinab from Admah, King Shem-Eber, da king guy fo da Zebo peopo, Da king from Bela. (Bela, dass da place dey call Zoar too, you know.) All dat time, da king guys from Babylon side make da king guys from Sodom side pay um plenny ery year. But afta dey pay fo twelve year, year numba thirteen, da five king guys from Sodom an Gomorrah side no pay notting. Dey go get all dea army guys togedda fo get ready wen da Kedorlaomer guys come back da nex time fo make war. Dey put togedda one big army inside da Siddim Valley, wea get da Big Salt Lake inside.

Nehemiah 1:1

Dis da Nehemiah story. Nehemiah tell bout wat wen happen to him. He Hakaliah boy. He tell dis: Artaxerxes was king inside Persia. Was Novemba, da numba 20 year dat he stay king. Dat time, I stay live inside Susa town. Az da main town wea da king live.

Esther 1:2

Dat time, King Xerxes stay sit on top his throne inside Susa town, wea get strong wall.

Esther 2:8

Afta erybody hear wat da king tell, an da rule he wen make bout Vashti, plenny young wahines come togedda inside da strong wall in Susa town, an dey stay wit Hegai in charge a dem. Da palace peopo take Esther to da King palace an make Hegai stay in charge a her too.

Esther 3:15

Da king tell da messenja guys fo go real quick, so dey go out right den an dea, an tell wat da king rule tell. Dey put up da rule on top da strong wall inside Susa town too. Den da king an Haman sit down fo drink wine. But da peopo inside Susa town, dey donno wat fo do.

Esther 7:6

Queen Esther tell, “Da guy dat hate us, he dis real bad guy Haman!” Den Haman come real sked in front da king an queen.

Esther 8:15

Mordecai go out from wea da king stay. He wear king kine blue an white clotheses, one big gold crown, an one purple kine robe wit da bestes kine linen from Egypt. Inside Susa town erybody make one big party an stay feel real good inside.

Esther 9:11

Dey tell da king da same day, how plenny guys da Jews wen kill inside da strong wall Susa town.

Esther 9:15

Da Jews inside Susa wen come togedda one mo time on March 8, an dey kill 300 mo guys inside Susa town, but dey no take dea stuffs.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Jeremiah 25:25

all da king guys fo da Zimri, Elam, an Mede peopo,

Ezekiel 1:1

July 31, da same year me Ezekiel wen make thirty, I was wit da Israel peopo dat stay by da Kebar Canal, Babylon side. Da Babylon army guys wen make us guys prisona an take us dea. Da sky wen rip open, an I see some awesome kine stuff, jalike da kine dreams da odda guys dat talk fo God see.

Ezekiel 32:24

“Da Elam peopo stay dea too, an all dea choke plenny peopos aroun da Elam tomb. Dey all get kill wit swords. Dey da ones dat make da peopo sked dat still stay alive. But dey all wen go down jalike da odda peopos dat no mo da mark from God dat show dey his peopo. Dey shame in front erybody, jalike da oddas dat go down inside da Deep Dark Hole.

Daniel 10:4

April 23, I stay stan on top da side a da big Tigris Riva.

Daniel 7:15

“Me, Daniel, bodda me bout da pichas I see inside my head dat make me real sked.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Daniel 8:1

Me, Daniel, I like tell you anodda story bout wat I wen see. Da year numba three wen Belshazzar stay king fo Babylon, God let me see someting jalike one dream, afta da odda dream dat I wen see da firs time.

Daniel 8:3

I look up, an dea in front me get one ram wit two horn. He stay stan by da side a da canal. His two horn, real long. One a da horns grow mo long den da odda, but da mo long one start fo grow afta da odda one start fo grow.

Census 12:6

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.

Hebrews 1:1

Long time befo time, plenny time God sen guys dat talk fo him fo dem talk to oua Hebrew ancesta guys. Dey tell um plenny tings plenny diffren ways.

Jesus Show 9:17

All da horses an da guys on top um look jalike dis inside my dream: da plate on top dea ches was red jalike fire, dark blue, an yellow jalike sulfur. Da horse head look jalike one lion head. An fire, smoke, an sulfur come outa dea mout.