Daniel 8:12 - Hawaii Pidgin Bible

¹² But God no let da sky army go afta da horn an wipe um out cuz a da bad kine stuff da horn do. Da horn stop da sacrifice dat da pries guys suppose to make ery day an he throw out da true kine religion. Eryting go good fo da horn.

Daniel 8:12 ပူးပေါင်းရင်းမြစ်များ

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Songs 119:142

You do da right tings erytime. Da Rules you teach, can trus um.

Songs 119:43

No hemo from my mout Da stuff I like tell bout you Dass fo real, Cuz you erytime do Wat you tell you goin do. Cuz da stuff you tell cuz you da judge, I trus um.

Songs 28:5

Cuz dey no mo respeck fo da kine tings you stay do, Da One In Charge. An cuz dey tink da work you do, ony junk! Eh! You Da One In Charge! You goin bus up dem bad guys! You no goin let um come strong one mo time!

Isaiah 59:14

Oua peopo no let da judges tell Who dey gotta punish. Anybody like tell Bout wass right an wass wrong, Dey make um stay far. Anybody like tell da trut, Dey goin fall down on top da street. Anybody like do wass right, Dey no can even come inside oua town.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Daniel 11:28

“Wen da Syria king start fo go back his land, north side, he goin bring back rich kine stuffs he wen take from Egypt side. But he make up his mind fo jam up da spesho deal God wen make wit his Jew guys. He goin do wat he like do agains da deal wit God an den go back his land.

Daniel 7:21

Den wen I look, dat horn stay make war agains dose dat stay spesho fo God an start fo win ova dem.

Daniel 8:4

I see da ram smash eryting wit his horns, west side, north side, an south side. No mo anodda animal can stan in front him. No mo animal can run away from him. He do wateva he like an he get mo an mo plenny powa.

Jesus Show 13:7

He get da powa fo fight one war agains da peopo dat stay spesho fo God, an win, an fo take charge all da ohanas, all da diffren peopos, all da diffren language, an all da countries all ova da world.

1 Samuel 23:9

Wen David find out dat Saul an his guys stay make one plan fo hurt him, David tell Abiatar, da pries guy, “Bring da spesho pries kine ves! I gotta find out wat God like me fo do!”