Daniel 7:7 - Hawaii Pidgin Bible

⁷ “Afta dat, same nite, get mo stuff I see in da dream. Get anodda wild animal, numba four. He look real skery an get plenny powa. He get big iron teets. He stay smash wateva he like, an eat um, an smash wateva stay lef ova wit his feets. Dis one look real diffren den da odda wild animals dat come befo him cuz he get ten horn.

Daniel 7:7 ပူးပေါင်းရင်းမြစ်များ

2 Samuel 22:43

I poun da buggahs real small, Jalike da dus dat da wind blow away. I grind um up jalike powda An walk all ova dem, jalike dey mud on top da street.

Job 41:14

Nobody goin try open his mout, Dat get real skery teets all aroun.

Ezekiel 40:2

God make me see someting jalike one dream. He take me from da Babylon land to da Israel land, an put me down on top one big mountain. From da top, da south side a da mountain get some buildings dat look jalike one big town.

Daniel 2:19

Dat nite, Daniel wen see someting jalike one dream, an God wen show him da secret. Den Daniel tell God Inside Da Sky “Mahalo plenny!” cuz he do good tings fo him.

Daniel 7:13

“Den, still inside my dream nite time, I wen see, Right dea in front me get somebody Dat look jalike one real kine guy! He stay come from da clouds inside da sky, Fo go by Da One Dat Stay From Befo Time. Da peopo dea bring da one dat look Jalike one real kine guy In front Da One Dat Stay From Befo Time.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Daniel 8:10

Da new horn grow, an reach all da way up to wea can beef da army inside da sky. Den da horn throw down some a da sky army an some a da stars on top da earth, an poun his feet on top um.

Daniel 8:22

Da four horns dat come up wen da firs horn broke off, dass four king kine lines dat goin take ova afta da firs king. But dey no goin get da same kine powa jalike da firs one.

Zekariah 2:1

Den I look up, an dea in front me get one guy dat hold one string fo measure inside his hand.

Jesus Show 12:3

Den I see anodda awesome kine ting inside da sky. Get one big, red dragon. He get seven head an ten horn, wit seven small crown on top da seven head.

Jesus Show 13:1

Den, jalike one dream, I wen see one Wild Animal coming outa da watta. He get ten horn an seven head, wit ten crown on top da horns. On top da heads, all dem get one name dat tell any kine bad stuff bout God.

Jesus Show 17:12

“Da ten horn you see, dey ten kings dat no mo powa fo be king still yet. But dey goin get powa fo come king fo one hour togedda wit da Wild Animal.

Jesus Show 17:7

Da angel messenja guy tell me, “Eh, how come dat blow yoa mind? I goin tell you da secret bout da wahine dat ride on top da Wild Animal dat get seven head an ten horn.

Jesus Show 17:8

“Da Wild Animal dat you see, he stay befo time, but now he no stay. But he goin come outa da Deep Dark Hole, an den he goin get wipe out. Get da peopo dat no mo dea name inside da Book Dat Tell Who Get God Kine Life, from da time God wen make da world. Dose peopo, dat goin blow dea mind wen dey spock da Wild Animal. Cuz he stay hea befo time, an he no stay now, but he goin come back.