Daniel 7:4 - Hawaii Pidgin Bible

⁴ “Da firs wild kine animal, look jalike one lion, but get wings jalike one eagle. I look long time. Den somebody broke off da wings. Somebody lif up da animal from da groun, an make um stan on two feets jalike peopo, an make um come jalike one man inside, fo him tink jalike peopo.

Daniel 7:4 ပူးပေါင်းရင်းမြစ်များ

2 Samuel 1:23

“Saul an Jonathan, Wen dey stay alive, erybody love dem. Dey nice kine peopo. Even wen dey mahke dey stick togedda. Dey run mo fas den da eagles fly. Dey mo strong den da lions.

Job 25:6

Den fo shua, da peopo, dey mo worse den dat, Jalike dey maggots! One guy jalike ony one worm!”

Songs 9:20

Eh! You Da One In Charge! All da diffren peopos dat donno you, Make um come real sked. Let um know, dey ony peopo, Dey not God. (Time out fo da music.)

Jeremiah 25:38

Jalike one lion leave da place wea he stay hide fo hunt, Da One In Charge goin go out lidat too! Az why dat land goin come one skery place fo live. Cuz da guys dat like put presha on dem, Goin bus um up wit swords, An cuz Da One In Charge stay real huhu.”

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 48:40

Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Jeremiah 49:19

“Me, Da One In Charge, I goin come Jalike one lion dat come outa da thick bushes by da Jordan Riva, An go by da fields wea da sheeps stay grind from long time. I goin chase da Edom peopo outa dea land real fas. Den I goin pick whoeva I like fo lead da Edom nation. You tink get somebody jalike me, o wat?! You tink get somebody can face me, o wat?! You tink get one leada guy dat can face me, o wat?! No ways!”

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Ezekiel 17:3

Tell um, ‘Dis wat Da One In Charge, da Boss, tell: Had one big eagle wit strong wings, long feathers, an plenny odda feathers in all kine colors. He go Lebanon side an grab da top a one cedar tree.

Ezekiel 28:2

“Eh! Fo Real Kine Guy! Tell da guy dat stay in charge Tyre side: Dis wat Da One In Charge, da Boss, tell: “ ‘You get one big head. You tell, “Me, I one god! I sit on top da kine throne one god get Inside da middo a da oceans.” But you ony one guy! You not one god, No matta you tink you akamai jalike one god.

Ezekiel 28:9

So! You tink you goin tell, ‘I one god!’ Wen you in front da buggah dat goin kill you? Wen da buggahs go fo stab you an put dea hands on top you, You goin ony be one guy, not one god!

Daniel 2:38

He wen give you powa ova all da peopo, an da animals inside da fields, an da birds inside da sky. Wea eva dey stay, he make you da boss ova all dem. You jalike da gold head on top da statue.

Daniel 4:36

“Dat same time dat I wen start fo tink good one mo time. Da peopo show me plenny respeck now cuz I da king. Dey show me dat I stay importan fo dem an I come awesome one mo time. Da smart guys dat wen teach me wat fo do, an my alii guys wen go all out fo come by me. An I wen come king one mo time. I get even mo plenny powa den befo time.

Daniel 7:12

(Somebody take away da powa from da odda three wild animals, but he let um stay alive litto bit mo, till da right time.)

Daniel 7:5

“Den in front me, I see anodda wild animal, numba two, dat look jalike one bear. He sit on his back legs an he get three ribs in his teets. Somebody tell um, ‘Get up! Eat all da meat you like!’

Matthew 24:28

Wen dat happen, you guys goin know wea I stay. Jalike erybody know wea get someting mahke wen da scavenja birds come togedda ova dea.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Jesus Show 13:2

Da Wild Animal I see look jalike one leopard, but he get feets jalike one bear, an da mout jalike one lion. Da Dragon give da Wild Animal his powa, an his throne, an da right fo take charge a da peopo wit him.