Daniel 7:16 - Hawaii Pidgin Bible

¹⁶ I go by one a da guys dat stay stan ova dea, an aks him wat da tings I see mean fo real kine fo him help me fo know wat all dat stuff mean. He tell:

Daniel 7:16 ပူးပေါင်းရင်းမြစ်များ

Daniel 7:10

From wea he sit, Can see one fire dat look jalike one riva stay burn. Da fire stay go out from in front him. Plenny tousan angel guys do his work, Millions a angel guys stay by him. Den da judge guys sit down fo start dea work An dey open da books Dat tell wat da peopo wen do.

Daniel 7:17

“ ‘Da four big wild animal, dey da four king kine powas an dea peopos from dis world dat goin take ova.

Daniel 8:17

Gabriel come nea da place wea I stay stan. I come real sked an fall down on top da groun in front him. He tell, “You one Fo Real Kine Guy, an you gotta undastan, dat wat you see in dis dream, tell bout da end a da world.”

Daniel 9:22

He tell me, “Eh Daniel! I come hea fo help you undastan wass happening.

Zekariah 1:19

So I aks da angel guy dat stay talk to me, “Wat dese horns mean?” He tell me, “Dese da nations dat wen make da Judah peopo, da Israel peopo, an da Jerusalem peopo scatta all ova.”

Zekariah 2:3

Den da firs angel messenja guy dat talk wit me go way. Anodda angel guy come out fo meet him.

Zekariah 3:7

“Dis wat Da One In Charge, Da God Ova All Da Armies, tell: ‘If you do wat I tell you fo do, an stick wit my rules, den you goin stay in charge a my house an my open lanais. I goin let you walk wit dese guys dat stay stan hea.

Jesus Show 5:5

But one older leada guy tell me, “Eh, brah! No need cry! Look! Christ, God Spesho Guy! Jalike da Bible tell from befo time, he jalike one Lion! He da King dat come from da Judah ohana! He da Main One dat come from King David. He wen win ova da bad kine stuff, so he get da right fo broke da seven wax kine seal, an open da paypa!”