Daniel 7:13 - Hawaii Pidgin Bible

¹³ “Den, still inside my dream nite time, I wen see, Right dea in front me get somebody Dat look jalike one real kine guy! He stay come from da clouds inside da sky, Fo go by Da One Dat Stay From Befo Time. Da peopo dea bring da one dat look Jalike one real kine guy In front Da One Dat Stay From Befo Time.

Daniel 7:13 ပူးပေါင်းရင်းမြစ်များ

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Songs 47:5

Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Jeremiah 49:19

“Me, Da One In Charge, I goin come Jalike one lion dat come outa da thick bushes by da Jordan Riva, An go by da fields wea da sheeps stay grind from long time. I goin chase da Edom peopo outa dea land real fas. Den I goin pick whoeva I like fo lead da Edom nation. You tink get somebody jalike me, o wat?! You tink get somebody can face me, o wat?! You tink get one leada guy dat can face me, o wat?! No ways!”

Ezekiel 1:26

Ova da flat ting dat stay spread out ova dea head, get someting dat look jalike one throne, wit da lapis lazuli kine blue stone all ova. An way up ova dat, get someting dat look jalike one guy on top da throne.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 7:12

(Somebody take away da powa from da odda three wild animals, but he let um stay alive litto bit mo, till da right time.)

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Daniel 7:22

He stay make lidat. But den Da One Dass From Befo Time come. Him da Judge, an he tell ‘Da ones dat stay spesho fo Da God Dass Mo Importan Den All Da Odda Gods, dey get um right.’ Den da time come wen dose dat stay spesho fo him take ova an stay in charge a eryting.

Daniel 7:9

“I stay look some moa, an get thrones set up ova dea Fo da judge guys. Da One Dat Stay From Befo Time sit down dea. His clotheses stay all white jalike da snow. Da hair on top his head Stay white jalike da bestes kine wool. His throne, jalike was burning, An da wheels undaneat jalike burning too.

Daniel 8:15

Me, Daniel, I still try fo undastan dis ting, dass jalike one dream. An right den an dea, somebody stan in front me dat look jalike one guy.

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Matthew 25:31

Jesus tell um, “You know, I da Fo Real Kine Guy. Wen I come back, I goin be awesome. All da angel guys goin come wit me. Den I goin sit down on top my awesome throne.

Matthew 26:64

Den Jesus tell um, “You da guy wen jus tell dat. I tell you guys dis too, bumbye you guys goin see me one mo time. I goin stay sit down on top da spesho place nex to Da God Dat Get All Da Powa, right dea on his right side. An I goin come back on top da clouds. Dass wen you goin see me one mo time. I da Fo Real Kine Guy.”

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.

Matthew 8:20

Jesus tell him, “Da foxes get hole fo house, an da birds in da sky get nes. But me, da Fo Real Kine Guy, I no mo house fo lay down.”

Mark 13:26

“I da Fo Real Kine Guy. Dat time, da peopo goin see me come inside da clouds wit all kine powa, an I goin be awesome!

Luke 21:27

Dat time dey goin spock me, da Fo Real Kine Guy, stay coming inside one cloud wit plenny powa, an I goin be real awesome.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

John 12:34

Da peopo tell him, “We wen hear from da Rules From God dat da Christ Guy goin live foeva. Den how come you tell, ‘Dey goin take me, da Fo Real Kine Guy, an lif me up from da groun fo kill me’? Who dis Fo Real Kine Guy dat you stay talk bout?”

John 3:13

Nobody eva wen go up inside da sky. Ony me, da Fo Real Kine Guy, I wen come down from da sky.

John 5:27

My Faddah give me da right fo be da judge fo erybody, cuz I his Boy, da Fo Real Kine Guy.

Jesus Guys 7:56

He tell, “Look! I see da sky come open! An da Guy Dass fo Real stay stan by da right side a God!”

1 Tessalonika 4:17

Afta dat, God peopo dat stay alive dat time an still stay hea, he goin take all us guys up dea inside da clouds, togedda wit dem odda peopo, fo give oua aloha to Da One In Charge, up dea inside da sky. An az how us guys goin stay wit Da One In Charge foeva!

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!

Hebrews 2:14

God kids get blood an bones cuz dey peopo. Dass why Jesus jalike dem, wit blood an bones too. He stay lidat so dat wen he mahke, he hemo all da powa from da Devil, da one dat get da powa fo kill peopo.

Hebrews 9:24

You know, had one place dass spesho fo God dat da peopo wen make, dat was ony one copy a da real ting. But Christ neva go inside dat place dat da peopo wen make. He go wea God stay fo real kine inside da sky, an now he stay wea God stay fo help us guys.

Jesus Show 1:13

An in da middo, had somebody dat look jalike us. He get one long robe dat hang down to his feet, an one gold cloth ova his shoulda an across his ches.

Jesus Show 1:18

I da One dat stay alive! I wen mahke, but look! Now I stay alive foeva! I get da powa fo open da door fo da place wea da mahke peopo stay, cuz I get da key an can make mahke peopo come alive!

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

Jesus Show 14:14

Den I look, an jalike one dream, in front me had one white cloud. Had one guy stay sit on top da cloud dat look jalike us. He da Guy Dass fo Real. He get one gold kine crown on top his head, an one sharp sickle in his hand.