Daniel 7:10 - Hawaii Pidgin Bible

¹⁰ From wea he sit, Can see one fire dat look jalike one riva stay burn. Da fire stay go out from in front him. Plenny tousan angel guys do his work, Millions a angel guys stay by him. Den da judge guys sit down fo start dea work An dey open da books Dat tell wat da peopo wen do.

Daniel 7:10 ပူးပေါင်းရင်းမြစ်များ

1 Kings 22:19

Den Mikaiah tell some moa: “Az why you betta lissen dis ting wat Da One In Charge tell! “I wen see Da One In Charge. He stay sit on top his throne. All da armies inside da sky, Dey stan aroun him, on da right side an on da lef side.

2 Records 18:18

An Mikaiah talk some moa. He tell “Az why you guys gotta lissen wat Da One In Charge tell: I see dis, jalike one dream—Da One In Charge stay sit on top his throne wit all his peopo inside da sky standing by his right side an his lef side.

Job 25:3

Can count how much army guys God get?! No can! Get anybody his light no reach?! Not even!

Songs 103:21

All you army guys from da sky Dat fight fo Da One In Charge, Tell how he da One Dat make you come Wat he like you fo come! You guys work fo Da One In Charge, An you do wateva he like you fo do.

Songs 18:8

God come huhu, Jalike smoke come outa his nose. Jalike fire come outa his mout Dat burn up stuff. From him, fire come Jalike kiawe stay burning.

Songs 50:3

Wen oua God come, He no goin stay quiet. Goin be jalike one fire go in front him An burn up eryting! Goin be jalike get one hurricane Stay aroun him!

Songs 68:17

God wen come Wit awesome war wagons, Ten tousan, an den ten tousan moa. You, my Boss, wen come from Mount Sinai Wit all dem To da place dat stay spesho fo you.

Isaiah 30:27

Look! You know wat kine god Da One In Charge! Now he come from one far place. He stay real huhu, Jalike he stay burning, An plenny smoke stay coming outa him! He ony talk bout Wat da guys dat stay agains him stay do. He no goin take dat. Wen he talk, jalike wat he tell, Goin burn eryting up.

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Daniel 12:1

Da angel messenja guy tell me dis: “Dat time, Michael, da importan angel prince, da one dat take kea yoa peopo, he goin go by you guys fo take kea you. Goin get one time yoa peopo all presha out, mo den da time yoa peopo wen come one nation firs time, till dat time. But dass da time wen yoa peopo, da ones dat get dea name inside God book, goin get outa trouble.

Daniel 7:22

He stay make lidat. But den Da One Dass From Befo Time come. Him da Judge, an he tell ‘Da ones dat stay spesho fo Da God Dass Mo Importan Den All Da Odda Gods, dey get um right.’ Den da time come wen dose dat stay spesho fo him take ova an stay in charge a eryting.

Daniel 7:26

“ ‘Den da judge guys goin sit down an do dea work. Dey goin take away da powa dat king get an wipe out his powa foeva.

Zekariah 14:5

You guys goin run away thru my mountain valley cuz goin go all da way to Azel town. Yeah, you guys goin run away, jalike yoa ancesta guys wen run away da time get da earthquake wen Uzziah stay king inside Judah. Den my God, Da One In Charge, goin come wit all da ones dat stay spesho fo him.

Matthew 25:31

Jesus tell um, “You know, I da Fo Real Kine Guy. Wen I come back, I goin be awesome. All da angel guys goin come wit me. Den I goin sit down on top my awesome throne.

Rules Secon Time 33:2

Moses tell, “Da One In Charge come from Mount Sinai. He come fo dem Jalike wen da sun come up from Mount Seir. He shine from Mount Paran. He come wit plenny angel messenja guys Dat stay spesho fo him, From da south, from da sides a da mountain.

Hebrews 1:14

All da angel guys, dey da good spirits dat work fo God. He sen um all ova fo help da peopo come outa da bad kine stuff dey stay do cuz dose peopo his kids.

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.

Jude 1:14

Adam wen get one boy, an dat boy wen get one boy, an dat boy wen get one boy. Six times dat wen happen, an den Enok wen born. You know, Enok wen talk bout dis kine sneaky buggahs long time befo time. He tell, “Lissen, Da One In Charge goin come Wit tousans an tousans a his spesho guys.

Jesus Show 11:18

Da peopos dat no trus you, Dey real huhu, But you tell ‘Laytas’ to da bad kine stuff dey do. “Time awready fo you Fo come da Judge fo da mahke peopo. An fo give yoa worka guys da good kine stuff you get fo dem Fo wat dey do fo you. Same ting you goin give to all da guys dat talk fo you, An all yoa spesho peopo, An you goin give um to da ones dat get respeck fo how you stay, Da big peopo an da litto peopo. “Time awready fo wipe out da guys Dat wipe out all da odda peopo Dat stay on top da earth!”

Jesus Show 5:11

Den jalike one dream, I look an I hear uku million angel guys singing! Dey come togedda in one circle aroun da throne, an aroun da tings dat stay alive an go ery place God go, an aroun da older leada guys.