Daniel 6:27 - Hawaii Pidgin Bible

²⁷ He get his peopo outa trouble. He do awesome stuff an stuff you no tink az fo real he can do um Inside da sky an on top da earth. He wen get Daniel outa trouble So da lions neva hurt him.”

Daniel 6:27 ပူးပေါင်းရင်းမြစ်များ

Job 36:15

Wen peopo suffa, God use dat fo pull dem outa dea trouble. Wen dey stay suffa, az wen he let dem hear him.

Songs 145:13

Da powa you get fo be king, Dat powa goin be lidat foeva! Da right you get fo stay in charge A da peopo right now, Goin be fo dea kids too, An fo dea kids kids! Da One In Charge, he erytime do Wat he tell he goin do, An eryting he do, He stay tight wit his peopo.

Songs 18:48

Wen da peopo dat stay agains me like hurt me, He get me outa da trouble. Eh God! You even make me mo importan Den da peopo dat come agains me. Wen peopo come fo bus me up, You get me outa trouble.

Songs 18:50

Me, I da king dat stay work fo you, An you make me win da war plenny times. You wen pick me An put oil on top my head fo show dat. An you goin stay tight wit me foeva, Tight wit me, King David, An wit all da odda king guys dat goin come from me.

Songs 32:7

You, you jalike one place Wea I can hide from trouble. You proteck me wen get hard time. You put peopo aroun me Dat yell plenny Cuz dey stay good inside, Cuz you wen get me outa trouble. (Time out fo da music.)

Songs 35:17

Eh Boss! You ony goin look, O you goin do someting?! Wen dey attack me, Make me stay alive, Cuz I ony get dis one life, you know, An dey come afta me, jalike dey lions!

Songs 97:10

You guys dat get love an aloha Fo Da One In Charge, Good, you stay hate Da bad tings peopo do, Cuz Da One In Charge take kea Da ones dat stay tight wit him. He get um outa trouble Wen da bad guys come afta dem.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 4:31

He stay talk still yet. But right den an dea, one voice come down from da sky! Da voice tell, “Dis message fo you, King Nebukadnezzar! I take away da powa fo you be king.

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Daniel 6:20

Wen he come nea da lion hole, he call Daniel wit one sad kine voice. “Daniel, da worka guy fo da God dat stay alive! Yoa God, da One you work fo erytime, he wen get you outa dis, o wat?!”

John 4:48

Jesus tell him, “If you guys no see me show you all kine awesome stuff, you guys no like trus me.”

Jesus Guys 4:30

We like you make da sick guys come good an show awesome tings wit yoa powa wen us guys use yoa name, cuz a wat yoa Good An Spesho Worka Guy Jesus wen do.”

Hebrews 2:4

An anodda ting: God wen show proof dat he stay tell da trut. An he do dis cuz he get da powa fo do all kine awesome stuff fo show who him. An God give his peopo his Good An Spesho Spirit fo dem do diffren kine tings he like dem fo do.

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”