Daniel 5:30 - Hawaii Pidgin Bible

³⁰ But dat same nite, da Mede army guys kill Belshazzar, da king fo da Babylon peopo.

Daniel 5:30 ပူးပေါင်းရင်းမြစ်များ

Isaiah 47:9

But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Jeremiah 51:31

One messenja guy come, den anodda, den anodda, Fo tell da Babylon king all da bad kine stuff dat stay happen. Dey tell um: ‘Get plenny army guys take ova yoa big town awready, From one side to da odda side!

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Amos 6:7

“Fo shua, pretty soon now, Da Assyria army guys goin come drag you guys outa hea. You guys goin be da firs one. Den you no can lay dea an grind at da religious luaus fo da odda gods, Cuz all dat no goin be no mo fo you guys.