Daniel 5:23 - Hawaii Pidgin Bible

²³ You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

Daniel 5:23 ပူးပေါင်းရင်းမြစ်များ

Start 14:19

Melkizedek tell God, “You, da God Dass Mo Importan Den All Da Odda Gods! I like fo you do plenny good tings fo Abram. Cuz you da One dat wen make da sky an da world.

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

2 Kings 14:10

Fo shua, you wen win ova da Edom guys, an now you get smart wit me! Let yoa peopo respeck you cuz you wen win, but no come hea ack big! No good you make lidat an lose da war, cuz den you goin mahke, you an da Judah peopo too!”

Job 12:10

Eryting dat stay alive, God hold um inside his hand. An all da peopo dat breave, same ting.

Job 31:4

God see eryting I do. He watch ery step I make.

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Songs 115:16

Da sky, an eryting up dea, Dass fo Da One In Charge. But da world, He wen give dat to da peopo.

Songs 139:3

From da time I wake up Till da time I go sleep, You see wea I go. You know awready how I do stuff.

Songs 146:4

Dat kine guy, Bumbye he no goin breave no moa, He goin go back inside da groun. Right den an dea, Eryting da guy plan fo do Goin come poho.

Smart Guys 20:24

Da One In Charge, Az da One give erybody Da kine life dey goin live. But fo shua, nobody know How dey goin get dea.

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 14:13

One time you guys wen tink, “I goin go climb up to da sky! I goin put my throne Mo high den God stars! I goin sit on top da mos far part An da big mountain north side, Wea all da gods stay come togedda!

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 33:10

But Da One In Charge, he tell, “Now, I goin stan up an start fo do tings! Now I goin show peopo how big me! An peopo goin know dat I importan!

Isaiah 37:19

an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Jeremiah 10:23

“You, Da One In Charge, I know fo shua peopo no own dea life. No mo nobody can make dea own plan Fo da nex ting dey goin do.

Jeremiah 48:26

“Make da Moab peopo come wasted, Cuz dey tink dey stay mo big den Da One In Charge. Let da Moab peopo roll aroun inside dea bahf Fo erybody stay make fun a dem.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Ezekiel 28:17

You come real big head Cuz you so good looking. Befo time you know wat fo do erytime, But now wat you do cuz you so awesome Come all hamajang. Dass why I throw you down on top da groun, An show da odda king guys how stupid you.

Ezekiel 28:2

“Eh! Fo Real Kine Guy! Tell da guy dat stay in charge Tyre side: Dis wat Da One In Charge, da Boss, tell: “ ‘You get one big head. You tell, “Me, I one god! I sit on top da kine throne one god get Inside da middo a da oceans.” But you ony one guy! You not one god, No matta you tink you akamai jalike one god.

Ezekiel 28:5

You know how fo trade stuff real good, So you come mo rich. But cuz you get plenny stuff dat cost plenny, You tink you real high makamaka.’ ”

Ezekiel 31:10

“ ‘Az why dis wat Da One In Charge, da Boss, tell: Egypt jalike dat tree! She stay mo tall ova all da odda trees, an cuz a dat she ack high makamaka bout how tall she stay.

Daniel 11:12

Da Egypt king goin make da Syria army guys come his prisonas. Den, da Egypt king goin get big head, an goin kill plenny tousan Syria guys. But he no goin win dat war yet.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Daniel 8:11

Da horn make jalike he come big fo come same jalike da leada fo da army inside da sky. He no let da pries guys make da ery day kine sacrifices. He make da Temple dat stay spesho fo God come pilau.

Habakkuk 2:4

“You know wat?! Da Babylon peopo get big head. Wat dey like get, az not right. But whoeva do wass right erytime, He goin live fo real kine, cuz he trus me.

Jesus Guys 17:25

Peopo no need take kea him jalike he need someting. Cuz he da One dat make all da peopo stay alive, an he give dem air fo breave, an all da odda stuff.

1 Corint 8:4

So den, even if da peopo make one sacrifice to da idol kine gods, an den somebody go eat dat food, we all know dat da idol kine gods inside dis world not da real God. Jalike da Bible tell, “Ony get one God dass fo real, an all da odda gods no mean notting.”

1 Timoty 3:6

Mo betta he trus God long time, den he no goin get big head bumbye. Cuz if he get big head, den God judge him jalike God goin judge da Devil.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Jesus Show 9:20

Da odda peopo dat neva mahke from da big trouble, dey still yet no come sorry an no pau do bad kine stuff. Dey still yet go down in front da bad kine spirits an da idol kine gods. No matta dey make da idols wit gold, silva, bronze, stone, an wood. An no matta da idol kine gods no can see, o hear, o walk, notting!

Local Leadas 16:23

Bumbye, da leadas fo da Filisha peopo come togedda fo make one big sacrifice fo dea god Dagon. Dey make one big party, an tell, “Oua god wen let us catch Samson, da guy dat stay agains us.”

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”

1 Samuel 17:36

Eh, Boss! I wen kill da lion an da bear too. Dis Filisha guy dat no mo da cut skin mark fo show he God guy, he goin be jalike da lion an da bear, cuz he talk big agains oua army dat fight fo da God dat stay alive fo real kine.