Daniel 4:8 - Hawaii Pidgin Bible

⁸ Afta all dese guys come, Daniel come by me. I tell him bout my dream. (Daniel get da name Belteshazzar too, jalike da name fo my god. An da spirit from da spesho gods stay inside him.)

Daniel 4:8 ပူးပေါင်းရင်းမြစ်များ

Start 41:38

Den Pharaoh tell his worka guys, “Eh! You guys figga can find one guy mo betta den dis guy, o wat?! No ways! Cuz him, he get God Spirit inside him!”

Isaiah 46:1

Da gods Bel an Nebo from Babylon, Dey no stan up no moa! Da statues dat look jalike dem, Dat you Babylon guys carry befo time Fo make parade, Now you guys put um on top animals, An dey stay heavy fo even da animals carry um, Cuz dey tired.

Isaiah 63:11

“Den his peopo tink how was Long time befo time, wit Moses an his peopo. Dey tink, ‘Wea da One Wen take da Israel peopo thru da Red Sea, Da time Moses an his ohana Stay jalike sheep guys Dat take kea da peopo ova dea?! Wea da One dat wen put his Good An Spesho Spirit Right dea wit all da peopo?!

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Ezekiel 17:23

I goin plant um on top da high mountains inside Israel. Da tree goin make branches an give fruits, an come one mangus cedar tree. All kine birds goin make dea neses inside um. Dey goin find shade inside da branches.

Daniel 1:7

Ashpenaz give da Judah guys new kine name. He give dem Babylon kine name. To Daniel, he give da name Belteshazzar. He give Hananiah da name Shadrak. He give Mishael da name Meshak. An he give Azariah da name Abednego.

Daniel 2:11

Wat you, oua King, stay aks us fo do, too hard! No mo nobody can tell you wat you like know. Ony da gods can do dis, an dey no live wit da peopo.”

Daniel 2:26

Da king tell Daniel, dat get da Babylon name Belteshazzar, “You shua you can tell me wat I wen see inside my dream, an tell me wat da dream mean, o wat?!”

Daniel 3:14

King Nebukadnezzar tell dem, “Shadrak, Meshak, an Abednego! Az true? You guys wen make one plan fo do dis, o wat?! You guys no mo respeck fo my gods, fo no go down an show respeck fo da gold kine statue I put up?!

Daniel 4:18

“ ‘Dis da dream dat me, Nebukadnezzar da King, wen dream. Now, Belteshazzar, tell me wat da dream mean. Cuz no mo nobody from da smart guys inside my country can tell me wat da dream mean. But fo shua you can cuz da spirit from da spesho gods stay inside you.’ ”

Daniel 4:9

“I tell um, ‘Eh Belteshazzar, you stay in charge a da kahuna guys dat know bout da dreams. Fo shua da spirit from da spesho gods stay inside you. An you know how fo find out da secrets nobody know. So, tell me wat da dream mean.

Daniel 5:14

Wat I hear bout you, da spirit from da gods stay strong inside you. Peopo know dat you see stuff real good, an undastan plenny, an know wat fo do erytime, mo den odda peopo.