Daniel 4:5 - Hawaii Pidgin Bible

⁵ But den one nite, wen I stay lay down on top my bed, I get one dream dat wen make me come sked. Da picha in my head I wen see, make me real sked!

Daniel 4:5 ပူးပေါင်းရင်းမြစ်များ

Start 41:1

Two year afta dat, da Pharaoh guy, dass da king guy Egypt side, wen get one dream. Inside da dream he see he stay standing by da Nile Riva.

Daniel 1:7

Ashpenaz give da Judah guys new kine name. He give dem Babylon kine name. To Daniel, he give da name Belteshazzar. He give Hananiah da name Shadrak. He give Mishael da name Meshak. An he give Azariah da name Abednego.

Daniel 2:1

Da year numba two wen Nebukadnezzar stay king Babylon side, he get one dream, but he no can rememba wat he wen dream. Da dream bodda him, an he no can sleep good.

Daniel 2:3

Da king tell dem, “I wen get one dream. Dis bodda me real plenny, cuz I donno wat I wen dream.”

Daniel 4:10

“ ‘Dis wat I see Wen I stay sleep on top my bed. In front me get one big tree, An da tree stan Inside da middo a da world. An da tree stay real big.

Daniel 4:13

“ ‘Wen I stay sleep on top my bed, I see some mo pichas inside my head: I look, an in front me, get one angel messenja guy Dat stay spesho fo God. He stay coming down from da sky.

Daniel 4:15

But let da stump an da roots Stay dea inside da groun! Put heavy iron an bronze strap fo tie down da stump, An let um stay inside da grass inside da field. Get one guy, let um get all wet Wit da dew from da sky. Let da same ting happen to him, Jalike how da animals Dat stay live in da grass on top da groun.

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Daniel 5:10

Da king muddah hear da noise from da king an da alii guys. She go inside da place wea dey get da party. She tell, “King Belshazzar, I like you stay alive foeva! No worry! No need yoa eye come big!

Daniel 5:11

Get one guy inside dis land dat get da spirit from da good an spesho gods inside him. Wen yoa faddah stay king, peopo find out dat dis guy can see stuff fo real kine, an undastan plenny, an know wat fo do erytime, jalike da gods. King Nebukadnezzar, yoa faddah, make dat guy da main leada fo da kahuna guys dat know how fo tell wat dreams mean. He lead da odda kahuna guys too, da ones dat know how fo stop da bad kine stuff dat happen wen somebody put kahuna on top you. An he lead da kahuna guys dat know how fo tell stuff from da stars, an da kahuna guys dat look at da animal guts wen dey kill um fo make sacrifice, fo dem find out wass goin happen bumbye.

Daniel 7:1

Da year numba one wen Belshazzar stay king inside Babylon, Daniel get one dream. He see pichas inside his head wen he stay lay on top his bed. Laytas, he write down da main tings he wen see.

Daniel 7:28

“Dass da story, by me, Daniel. But dis story wen bodda me plenny, an give me chicken skin cuz I sked. Az why I no talk bout um.”