Daniel 4:36 - Hawaii Pidgin Bible

³⁶ “Dat same time dat I wen start fo tink good one mo time. Da peopo show me plenny respeck now cuz I da king. Dey show me dat I stay importan fo dem an I come awesome one mo time. Da smart guys dat wen teach me wat fo do, an my alii guys wen go all out fo come by me. An I wen come king one mo time. I get even mo plenny powa den befo time.

Daniel 4:36 ပူးပေါင်းရင်းမြစ်များ

Job 13:12

You guys no foget tings da ol peopo tell, but az worth notting, jalike ashes. Wen you guys argue, easy fo tell you wrong, Jalike easy fo broke one clay pot.

Smart Guys 22:4

Wen you make um so you come jalike you notting, An you feel jalike you sked Wen you come in front Da One In Charge, Den you goin get plenny stuffs, An peopo goin show you respeck, An you goin live long time.

Daniel 2:31

“You, my King, wen see someting inside yoa dream. You see right in front you, one big statue! Da buggah real mangus an shiny, an look real skery.

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!

Daniel 4:32

Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!