Daniel 4:35 - Hawaii Pidgin Bible

³⁵ All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Daniel 4:35 ပူးပေါင်းရင်းမြစ်များ

Job 23:13

“But God, he da ony God dass fo real. No mo nobody can make him change his mind. He do wateva he like do.

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 40:2

“Eh you! Da guy dat make argue wit me! Me, Da God Dat Get All Da Powa! You stay tell me I wrong, o wat?! You da one dat poin finga me! I like you ansa me!”

Job 42:2

“I know fo shua you can do eryting. No mo nobody can jam up wat you plan fo do.

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Songs 115:3

Dis how stay wit oua God: He live inside da sky An he do wateva he like do.

Songs 135:6

Eryting Da One In Charge like do, he do In da sky, an on top da earth, An inside da ocean, All da way to da bottom.

Songs 33:14

From da place he live, he stay watch Erybody dat stay live on top da earth.

Songs 39:5

Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Songs 49:1

Hear dis, all you peopos! Try lissen up, all you peopo Dat live all ova da world!

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Teacha 8:4

Wat da king tell, az wat goin happen. No mo nobody can tell um, “How come you do dat?!”

Isaiah 19:17

Watevas come from da Judah land goin make da Egypt peopo real sked. Weneva somebody tell dem bout da Judah land, dey goin come real sked cuz a wat dey know, wat Da One In Charge, Da God Ova All Da Armies, stay plan fo do agains dem.

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Daniel 6:27

He get his peopo outa trouble. He do awesome stuff an stuff you no tink az fo real he can do um Inside da sky an on top da earth. He wen get Daniel outa trouble So da lions neva hurt him.”

Jonah 1:14

Den dey yell fo help to da god Jonah pray to, Da One In Charge. Dey tell, “Eh God! You Da One In Charge! No let us guys come wipe out jus cuz we gotta kill dis guy! If he neva do one bad ting, an we kill um, try let us guys go! Cuz you Da One In Charge, an was you dat wen make all dis happen, not us guys! So no poin finga us!”

Jesus Guys 11:17

Az why, if God give dem da same powa he wen give us guys wen we trus Da One In Charge, Jesus, da Spesho Guy God Wen Sen, how I get da right fo tell God no do dat?!

Jesus Guys 4:28

Dey do wat you know from long time befo gotta happen. An you let dem do dat.

Jesus Guys 5:39

But if da ting come from God, you no can stop um. You ony stay beefing God.”

Jesus Guys 9:5

Saul tell, “Who you, Boss?” Da voice tell, “Me Jesus, da Guy you stay make suffa.

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

1 Corint 2:16

Jalike da Bible tell: “Who can figga out wat God stay figga, aah? O who can teach God wat he suppose to do? No mo nobody!” But us guys, we know all dat cuz Christ help us guys figga um out jalike he figga um out.

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.

Joshua 2:2

Somebody tell da Jericho king, “You know wat?! Some Israel guys wen come hea afta da sun go down, fo find out how oua land stay!”

1 Samuel 3:18

So Samuel tell him eryting, an no hide notting from him. Den Eli tell, “Him, Da One In Charge. So, I like him do wateva stay good, da way he see um.”