Daniel 4:24 - Hawaii Pidgin Bible

²⁴ “An den Belteshazzar tell me, King Nebukadnezzar, dass wat da dream mean. Belteshazzar tell: Dass wat da God Dass Mo Importan Den All Da Odda Gods tell gotta happen, an he stay talking bout you, my boss da king.

Daniel 4:24 ပူးပေါင်းရင်းမြစ်များ

Job 20:29

Dass wat God goin give to da bad guys, Dass wat dey goin get from God!”

Songs 107:40

God show dea alii guys, Da ones dat put presha on da peopo, Dat dea alii guys no worth notting, He make da alii guys go hea an dea Inside da boonies, wea no mo road.

Songs 148:6

Da One In Charge, he wen put um Wea dey suppose to be Fo stay dea foeva. He wen make one rule fo dem, An dat rule no goin change.

Songs 2:7

Dat king, he tell: “I goin tell wat Da One In Charge Wen tell gotta happen. He tell me dis: ‘You, you my boy. An today, I tell dat I yoa faddah.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Smart Guys 20:28

Wen one king stay tight wit his peopo An dey know dey can trus him, Den da king know fo shua No mo notting bad goin happen to him. Cuz he know da peopo stay tight wit him, Dass wat make da peopo like Fo him be dea leada, long time.

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Daniel 4:17

Us angel messenja guys tell Wat God make up his mind fo do. We stay spesho fo God, An we tell wat goin happen. Cuz we do dat, Erybody dat stay alive goin know dis: Da God Dass Mo Importan Den All Da Odda Gods, He get da powa fo tell All da govmens in da world Wat dey gotta do. He make whoeva he like Come da king fo dem. He even can take one guy Dat nobody tink he importan, An make him da govmen leada.”

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Daniel 4:2

“I like tell you guys bout da God Dass Mo Importan Den All Da Odda Gods, an da awesome an unreal tings he wen do fo me. I figga az good fo me tell you guys bout all da stuff he teach me.