Daniel 3:27 - Hawaii Pidgin Bible

²⁷ An da guys dat run da odda countries afta da king take um ova, dea helpa guys, da territorial govna guys, an da odda govmen guys dat work fo da king, dey all push each odda fo go look da three Jew guys. Da leada guys see dat da fire no mo powa fo burn dea bodies. No burn even one hair on top dea heads. No burn dea robe, an no mo fire smell on dem.

Daniel 3:27 ပူးပေါင်းရင်းမြစ်များ

1 Kings 13:28

Da guy dat talk fo God go out, an he find da guy body on top da road, an da donkey an da lion stay stan nea da body. Da lion neva eat da body, an he neva bus up da donkey.

2 Kings 19:19

Da One In Charge, you da God fo us guys! Help get us outa Sennakerib powa! Den all da kings in da world goin know fo shua dat you Da One In Charge, az da ony God dass fo real!”

Songs 83:18

You, yoa name Da One In Charge! I like dose peopos know Dat no mo anodda god jalike you! You da God Dass Mo Importan Den All Da Odda Gods! You stay in charge a da whole world!

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Daniel 3:21

So da king guys tie up da three Jew guys wit all dea clotheses, dea robes, dea pants, dea hats, an dea odda clotheses, an throw um inside da real hot oven fire place.

Daniel 6:23

Den da king come real, real good inside. He tell his guys fo bring Daniel outa da big hole. Wen dey bring Daniel outa da hole, dey no find cuts on top him notting cuz he trus his God.

Daniel 6:7

Us supavisa guys fo yoa land, an govna guys, an govna guys fo da districks, an all da odda govmen guys, an da older leada guys, we all wen talk. We figga az good fo you, da king, fo make one rule, an make shua nobody broke um. Dis da rule: da peopo gotta pray to you, da king. Whoeva pray to anodda god o anodda guy, fo da nex thirty days, throw dem down inside da big hole wea you put da lions.

Matthew 10:30

Yoa Faddah, he even know how much hairs you get on top yoa head!

Jesus Guys 26:26

I know fo shua you da king, an you know bout dis stuff, an I can talk fo real kine to you. Fo shua you know bout all dis stuff, cuz wen happen one place erybody can see um.

Jesus Guys 27:34

Now I beg you guys fo eat someting. You need um fo stay alive. You guys no goin lose even one hair from yoa head.”

Hebrews 11:34

Dey put out big fires. Dey get away from da guys dat like kill um wit swords. Dey not strong, but dey come strong. Dey get plenny powa fo fight da army guys from odda countries. Dey make whole armies run away.