Daniel 3:10 - Hawaii Pidgin Bible

¹⁰ King, you da one dat make da rule, dat wen erybody dat hear da kine music, dey gotta go down an show respeck fo da gold kine statue.

Daniel 3:10 ပူးပေါင်းရင်းမြစ်များ

1 Records 15:16

Same time, David tell da leada guys fo da Levi ohana fo pick some a dea braddahs fo come singa guys, fo sing da kine songs dat show dat da peopo stay real good inside. Dey goin use da kine tings dat make music: da twelve-string bass harp, da small harp, an da loud high cymbals.

1 Records 15:28

Dass how all da Israel peopo bring up da Box Fo No Foget Da Deal Wit Da One In Charge. Dey yell cuz dey feel good inside, an dey make noise wit da sheep horn trumpets an da long metal trumpets, da cymbals, da bass harps, an da small harps.

2 Records 29:25

Den da king tell da Levi guys go stan inside da Temple Fo Da One In Charge. Dey carry da cymbals, ten-string harps, an small harps, jalike David wen tell um fo do. David wen do dat, da time Gad da guy dat know wass goin happen, an Nathan da guy dat talk fo God, wen tell David wat Da One In Charge like him do. Da pries guys get da orda dat Da One In Charge give da guys dat wen talk fo him.

Songs 94:20

Da king guys dat stay wipe out peopo An make rules dat tell Az okay fo make any kine. You tink dey can work Wit you, o wat?! No way!

Outa Egypt 1:16

“Erytime wen you stay help da Israel wahines born one bebe, an you see um ova dea on top da spesho stone fo born one bebe, if get boy kine, kill um! If get girl kine, let um live.”

Outa Egypt 1:22

Den, da Pharaoh guy tell all his peopo, “All da small boy kine bebes from da Israel peopo, throw um inside da Nile Riva! But da girl kine, let um live.”

Teacha 3:16

An I see anodda ting unda da sun. Get judge guys dat tell wat stay right an wat stay wrong, Even dea, get bad kine stuff dat happen! Get peopo dat stay do wass right, Even dea, get bad kine stuff dat happen!

Isaiah 10:1

Bummahs! fo da guys dat make all kine rules dass not right, An write all kine rules dat make humbug fo da peopo!

Daniel 3:11

An dat whoeva no go down on top da groun an show um respeck, yoa guys goin throw dem inside one real hot fire jalike one big oven, aah!

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Daniel 6:12

Az why dey go by da king an tell him bout da rule he wen write. Dey tell, “Eh! You jus write down one rule, aah? dat fo thirty day, whoeva no pray ony to you da King, but pray to anodda god o anodda guy, yoa guys goin throw um inside da big hole wea da lions stay!” Da king tell, “Dass da rule! An dass da rules fo da Mede an Persia peopo, dat no mo nobody can change um.”

Amos 6:5

You guys pick up da harp fo jam An make new kine songs— An you tink, ‘I can make da music Same same jalike King David!’

John 11:57

But da Main Pries guys an da Pharisee guys tell dat if whoevas know wea Jesus stay, dey gotta tell dem, fo dem sen da police guys fo bus Jesus.