Daniel 2:4 - Hawaii Pidgin Bible

⁴ Da kahuna guys tell da king in da Aramaic language, “You da King, an us like you live foeva! We yoa worka guys. Tell us da dream, an we goin tell you wat da dream mean.”

Daniel 2:4 ပူးပေါင်းရင်းမြစ်များ

Start 31:47

Laban give dat pile a rocks da name Yegar-Sahaduta, dat mean, “Da Rock Pile Fo No Foget Wat Wen Happen,” Aram language. Jacob, he give um da name Galeed, dat mean same same, Hebrew language.

Start 41:8

Morning time, da dream bodda da Pharaoh guy plenny inside. He sen peopo fo go tell all da kahuna guys from all ova Egypt fo come, an same ting fo all da guys inside da land dat suppose to know wat fo do erytime. Da Pharaoh tell da guys wat kine dream he wen get, but no mo nobody ova dea can tell um wat da dream mean.

1 Kings 1:25

Cuz today, Adonijah wen make one sacrifice wit plenny bulls, an cows dat peopo make um fat, an sheeps too. He wen tell all da King boys, an General Joab dat stay in charge a da army, an Abiatar da pries guy, fo come by him. An you know wat? Right now, dey stay dea in front him, an dey eating an drinking plenny. Dey tell, ‘Us like King Adonijah live long time!’

1 Kings 1:31

Batsheba go down an put her face on top da groun fo show respeck fo da King. Den she tell, “King David, you my boss! I like you live foeva!”

2 Kings 18:26

Den Eliakim, Hilkiah boy, an Shebna an Joah tell da territorial govna guy, “We know you da boss, but try talk yoa Aramaic language to us guys, cuz us guys undastand um. No talk oua Hebrew language to us Judea guys, wea da peopo on top da wall can hear um.”

Ezra 4:7

An layta, wen Artaxerxes come da big king fo da Persia land afta King Xerxes, da peopo dat stay agains da Judah peopo do da same ting one mo time. Dea leadas was Bishlam, Mitredat, an Tabeel. Dey use da Aram language fo write da letta. Wen da letta get to Persia, da peopo dea write um in da Persia language fo da big king ova dea read um.

Nehemiah 2:3

But I tell da King, “You da King, an I like you stay live foeva! But how I can stan hea an no stay sad?! Cuz da big town wea my ancesta guys stay bury, stay all bus up. Da main gates fo da town, all burn down.”

Isaiah 36:11

Den Eliakim, Shebna, an Joah tell da territorial govna guy, “Talk to us in Aramaic, yoa language, cuz we undastan um. No talk in Hebrew, oua language, cuz bumbye all dose peopo dat stay sit ova dea on top da wall goin hear.”

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Daniel 1:4

Ashpenaz suppose to bring young good looking guys dat no mo notting wrong wit dea body, an dat know how fo learn all kine stuff, an know plenny awready, dat can undastan stuff firs time, an smart fo work fo da Babylon king inside his palace. Ashpenaz gotta teach dem da Babylon language, an all da books dat guys wen write Babylon side.

Daniel 2:7

Da kahuna guys tell one mo time, “You da king! Tell us guys da dream. Den we goin tell you wat da dream mean.”

Daniel 3:9

Dey tell da king, “King Nebukadnezzar, we like you live foeva!

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Daniel 4:7

Den dey all come. Get da kahuna guys dat know how fo tell wat dreams mean. An get da guys dat know how fo stop da bad kine stuff dat happen to you wen somebody put kahuna on top you. Get da Kaldea guys dat know how fo learn stuff from da stars. An get da guys dat look at da animal guts wen dey kill um fo make sacrifice fo find out wass goin happen bumbye. I tell dem bout my dream, but no mo nobody can tell me wat da dream mean.

Daniel 4:9

“I tell um, ‘Eh Belteshazzar, you stay in charge a da kahuna guys dat know bout da dreams. Fo shua da spirit from da spesho gods stay inside you. An you know how fo find out da secrets nobody know. So, tell me wat da dream mean.

Daniel 5:10

Da king muddah hear da noise from da king an da alii guys. She go inside da place wea dey get da party. She tell, “King Belshazzar, I like you stay alive foeva! No worry! No need yoa eye come big!

Daniel 5:8

Den all da king smart guys come inside look, but dey no can read da writing o tell da king wat stay mean.

Daniel 6:21

Den Daniel tell da king, “King Darius, I like you live foeva!

Daniel 6:6

So da odda supavisa guys an all da govnas go togedda in front da king. Dey tell, “King Darius, we like fo you live foeva!

Daniel 6:7

Us supavisa guys fo yoa land, an govna guys, an govna guys fo da districks, an all da odda govmen guys, an da older leada guys, we all wen talk. We figga az good fo you, da king, fo make one rule, an make shua nobody broke um. Dis da rule: da peopo gotta pray to you, da king. Whoeva pray to anodda god o anodda guy, fo da nex thirty days, throw dem down inside da big hole wea you put da lions.

Matthew 21:9

An plenny guys stay walk in front an behind, an yell, “Hui! God goin take us outa da bad kine stuff we stay in! Dis guy from King David ohana, God goin do plenny good kine stuff fo him. He da guy dat come wit powa from Da One In Charge! Da awesome God goin take us Outa da bad kine stuff we stay in!”

1 Samuel 10:24

Samuel tell all da peopo, “You guys see dat guy dat Da One In Charge wen pick? From all da peopo, no mo nobody jalike him!” Den da peopo yell, “Yeah! Us like da king stay alive long time!”