Daniel 2:34 - Hawaii Pidgin Bible

³⁴ “Wen you stay look da statue, one mangus rock wen broke off from one mountain. But no mo nobody wen make um broke off! Da rock fall down, hit da statue on top da iron an clay feets, an smash um up, small pieces.

Daniel 2:34 ပူးပေါင်းရင်းမြစ်များ

Songs 118:22

Da peopo tell: “Had one big rock. Da builda guys tell, ‘Dis rock, no good!’ But afta, dass da rock dey wen put Fo da main corna block.”

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Isaiah 8:9

“All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Ezekiel 32:28

“You too, Pharaoh, God goin wipe you out. You goin lay dea wit da odda guys dat no mo da mark from God, da ones dat get kill wit swords.

Ezekiel 47:5

Den from dea he measure one tousan seven hundred an fifty feet moa, but now come one riva dat I no can walk to da odda side, cuz da watta stay deep fo me swim inside, an too deep fo somebody walk to da odda side.

Daniel 2:33

Da odda part a da legs, iron. Da feets, get one part iron an da odda part clay dat dey bake inside da oven.

Daniel 7:27

Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’

Daniel 8:25

He goin know how fo bulai peopo. He goin tink he mo betta den erybody. Wen peopo tink eryting stay okay, he goin wipe out plenny a dem. An he even goin go agains da King ova all da king guys. But goin get somebody dat goin smash him, an whoeva do dat no goin be one guy.

Zekariah 12:3

But dat time wen all da peopos inside da world goin go agains Jerusalem, I goin make da Jerusalem peopo come jalike one big rock dat nobody from all da odda peopos can move. Wen dey try move um, dey goin hurt ony dem.”

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Matthew 16:18

I tell you, yoa name Peter, an dat mean ‘rock.’ On top dis rock I goin make my church. Da powa dat come from Hell fo kill peopo no goin win ova my church guys.

John 1:13

Da way dey born, az not jalike how one faddah like get kids. Dey come God kids cuz God give um his life inside.

Jesus Guys 4:11

Jesus, he da One da Bible talk bout: “ ‘Da stone da builda guys neva like use, cuz dey figga was no good, Dat stone come da corna block fo da whole building.’

2 Corint 5:1

Eh, us guys know dat oua body, da one us stay inside now on top da earth, az jalike one tent dat ony goin stay up short time. No matta oua body goin come wipe out, us no need worry. Cuz God get one good place fo us stay inside da sky. Peopo neva make dat place. God wen make um an dat place stay foeva!

Hebrews 9:24

You know, had one place dass spesho fo God dat da peopo wen make, dat was ony one copy a da real ting. But Christ neva go inside dat place dat da peopo wen make. He go wea God stay fo real kine inside da sky, an now he stay wea God stay fo help us guys.

1 Peter 2:7

Jesus, he jalike dat stone. You guys dat trus him, he real importan fo you guys, too. But den, fo da peopo dat no trus him, da Bible tell, “Da stone da builda guys wen throw out, Dat stone wen come da corna block, Da mos importan one.”

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”