Daniel 2:32 - Hawaii Pidgin Bible

³² Da head, all gold. Da ches an arms, silva. Da opu part an da thighs, bronze.

Daniel 2:32 ပူးပေါင်းရင်းမြစ်များ

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Jeremiah 51:7

Da One In Charge wen use da Babylon peopo Fo punish da whole world! Jalike he stay give um one gold cup Fo make da whole world come piloot. Jalike all da peopos suck up da wine Dat da Babylon guys give um, Az why all da nations come pupule!

Daniel 2:33

Da odda part a da legs, iron. Da feets, get one part iron an da odda part clay dat dey bake inside da oven.

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Jesus Show 17:4

Da wahine wea purple an red clotheses, an get all kine gold dat shine, an fancy kine jewelry an pearls. She get one gold wine cup in her hand. Dat cup jalike fo show da pilau kine stuff she stay do, an fo show how she ack jalike one hoa.