Daniel 2:28 - Hawaii Pidgin Bible

²⁸ But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Daniel 2:28 ပူးပေါင်းရင်းမြစ်များ

Start 40:8

Dey tell um, “Nite time, us two guys wen dream someting. But no mo nobody hea fo tell us wat da dream mean!” Joseph tell um, “You know, my God, he da ony one dat know wat da dream mean! So, tell me wat you guys wen see.”

Start 41:16

Joseph tell da Pharaoh guy, “I no can do dat! Ony my God can tell you wat da dream mean, an dat goin help you come out good.”

Start 41:25

Joseph tell da Pharaoh guy, “Da two dreams mean same same! God stay tell you wat he goin do.

Start 49:1

Laytas, Jacob tell all his boys fo come by him. He tell: “Go come togedda aroun me. I goin tell you guys wat goin happen to you Afta I mahke.

Songs 115:3

Dis how stay wit oua God: He live inside da sky An he do wateva he like do.

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 30:24

Wen Da One In Charge come huhu, He goin stay huhu Till he pau eryting he plan fo do. You guys goin undastan all dis, Bumbye wen da right time come.

Jeremiah 48:47

“But bumbye, I goin bring back da Moab peopo So dey no goin be prisonas no moa.” Dass wat Da One In Charge tell. Dass it, fo wat Da One In Charge tell, how he goin punish da Moab peopo.

Ezekiel 28:3

You tink you know wat fo do erytime Mo betta den Daniel? You tink you know all da secrets?

Ezekiel 38:16

You goin attack my Israel peopo jalike one cloud dat cova da land. All dis goin happen bumbye, long time from now. Dat time, I goin make you Gog come agains my land, an I goin use you fo make da odda peopos know who me! Cuz dass wen I goin show dem dat I stay good an spesho, da way dey goin see me!

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Daniel 1:20

Wateva da king aks da young Israel guys, fo find out if dey know wat fo do erytime, an how come peopo do wat dey do, he find out dat dey know ten times mo den all da guys inside his whole Babylon land dat can tell wat da dreams mean, o dat can stop da bad kine tings dat happen to you wen somebody put kahuna on top you.

Daniel 10:14

Now, I stay come hea fo help you undastan wat goin happen to yoa peopo long time from now. Da ting you see jalike one dream, tell bout one time dat still yet goin come.”

Daniel 2:18

Daniel tell dem fo pray to God Inside Da Sky fo give dem chance an show dem da secret a da dream, fo Daniel an his frenz no get wipe out wit da odda smart guys inside Babylon.

Daniel 2:22

He show um secret kine stuff Dass hard fo undastan. He know wat stay inside da dark places, Cuz he da One da light come from.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Daniel 4:5

But den one nite, wen I stay lay down on top my bed, I get one dream dat wen make me come sked. Da picha in my head I wen see, make me real sked!

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Census 24:14

Kay den, now I goin go back by my peopo. But let me tell you wass good fo you know—I tell wat da Israel peopo goin do to yoa peopo bumbye.”

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

Rules Secon Time 31:19

“Now you an Joshua, write down dis song fo jus you guys. Den you, Moses, you teach um to da Israel peopo fo dem sing um. Cuz dis song goin tell wat I wen see um do fo judge dem.

Rules Secon Time 4:30

Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.

2 Timoty 3:1

No foget dis: befo da world goin come pau, erybody goin presha out.

Hebrews 1:1

Long time befo time, plenny time God sen guys dat talk fo him fo dem talk to oua Hebrew ancesta guys. Dey tell um plenny tings plenny diffren ways.

2 Peter 3:3

Da firs ting, you gotta undastan dis: befo da world pau, goin get guys dat ony goin make any kine how dey like. An dey goin make fun a da Good Kine Stuff from God.

Jesus Show 1:1

Dis book tell wat God wen show Jesus Christ fo him show his worka guys da stuff dat goin happen fo shua real quick. Az why Jesus Christ wen sen one angel messenja guy fo show all dat to me, John, cuz I one a his worka guys.