Daniel 2:23 - Hawaii Pidgin Bible

²³ You da God fo me an my ancesta guys. I like tell you ‘Mahalo plenny,’ An tell good tings bout you. Cuz you help me know wat fo do erytime, An you give me powa. Wen we aks you fo tell us wat da king wen dream, You tell us guys bout wat he wen dream.”

Daniel 2:23 ပူးပေါင်းရင်းမြစ်များ

Start 18:17

Da One In Charge, he figga, “Da ting I goin do now—I like let um stay secret so Abraham no goin know, o I goin tell him?

Start 31:42

“But da God dat my faddah pray to, dass da God fo Abraham too. He da One dat make Isaac sked an shaking cuz he so awesome. He stay wit me. If he neva stay wit me, you no give me notting, an tell me fo go way. But God, he see da real hard time I get, an da real hard work I do. Las nite, wat he tell you wass right, cuz he da Judge.”

1 Kings 18:36

Wen time fo make da sacrifice, Elijah da guy dat talk fo God go by da altar an pray lidis: “Da One In Charge, you da God fo Abraham an Isaac an Israel. Today, I like erybody know, dat you da God fo da Israel peopo, an you da boss fo me. An all dese tings I do, I do um cuz dass wat you tell me fo do.

1 Kings 8:57

We like oua God, Da One In Charge, Stay wit us guys, Jalike he wen stay befo time Wit oua ancesta guys. We no like he no do notting fo us O leave us.

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:13

An now, oua God, us guys like tell you ‘Mahalo plenny!’ We tell erybody dat we know who you, An you da greates, cuz you stay real awesome!

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

Songs 21:2

You wen give da king da ting he like get da mostes. You neva hold back notting dat he tell you he like. (Time out fo da music.)

Songs 21:4

Da king wen tell you fo give him life, An you wen give him long life, foeva!

Songs 25:14

Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Smart Guys 21:22

Da guy dat know wat fo do erytime, If he gotta, he can attack one big town Dat get plenny army guys inside, An bus up da strong wall Dat peopo ova dea wen trus.

Smart Guys 24:5

Da guy dat know wat fo do erytime, He strong. Da guy dat know plenny stuff, He come mo strong.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Teacha 7:19

One guy dat know wat fo do erytime Get mo powa den ten a da leada guys inside his town.

Teacha 9:16

Az why I tell, “Mo betta know wat fo do, den get one big army.” But da peopo dea no show respeck fo da guy dat no mo notting, no matta he know wat fo do erytime. No mo nobody lissen now wat da guy tell.

Teacha 9:18

Mo betta know wat fo do erytime, Den get plenny stuff fo use fo make war, But one guy dat mess up one time Can wipe out plenny good kine stuff.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Daniel 1:17

God make da four young Israel guys know plenny bout any kine stuff, an undastan how come stay lidat. Dey learn plenny from books, an dey know wat fo do erytime. An Da One In Charge wen give Daniel spesho powa fo help peopo undastan all kine stuff peopo see in dea dreams, an in da tings dey see jalike one dream but dey no stay sleeping.

Daniel 2:18

Daniel tell dem fo pray to God Inside Da Sky fo give dem chance an show dem da secret a da dream, fo Daniel an his frenz no get wipe out wit da odda smart guys inside Babylon.

Amos 3:7

“Cuz you know, Da One In Charge a me, he erytime tell his worka guys dat talk fo him da secret plan bout wat he goin do. Laytas, he goin do um.”

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.

Luke 10:21

Dat time da Good An Spesho Spirit make Jesus stay real good inside. An he tell, “Faddah, you Da One In Charge all ova da sky an da world. Mahalo plenny, cuz you hide all dis stuff from da smart guys an da guys dat know plenny stuff, an you show um to da small kids. Dass wat you like do.”

John 11:41

Den some guys push da stone away from da puka. Jesus look up to da sky an tell, “Faddah, mahalo plenny dat you lissen me.

John 15:15

I no goin call you guys my worka guys no moa, cuz da worka guy no undastan wat his boss stay do. But I call you guys my frenz, cuz I wen tell you guys eryting dat my Faddah wen tell me.

Jesus Show 1:1

Dis book tell wat God wen show Jesus Christ fo him show his worka guys da stuff dat goin happen fo shua real quick. Az why Jesus Christ wen sen one angel messenja guy fo show all dat to me, John, cuz I one a his worka guys.

Jesus Show 5:5

But one older leada guy tell me, “Eh, brah! No need cry! Look! Christ, God Spesho Guy! Jalike da Bible tell from befo time, he jalike one Lion! He da King dat come from da Judah ohana! He da Main One dat come from King David. He wen win ova da bad kine stuff, so he get da right fo broke da seven wax kine seal, an open da paypa!”