Daniel 2:21 - Hawaii Pidgin Bible

²¹ He change wass goin happen, Now an bumbye. He make some kings come solid, An throw out some odda kings. Da guys dat know wat fo do erytime, He make um know even mo betta wat fo do. Fo da guys dat undastan stuff, He make um know even mo plenny.

Daniel 2:21 ပူးပေါင်းရင်းမြစ်များ

1 Kings 10:24

Peopo from all ova da world come aks Solomon if okay fo come by him an lissen, fo hear wat God tell him cuz he know wat fo do erytime.

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

1 Kings 4:29

God help King Solomon fo know wat fo do erytime, an fo undastan wass good an wass bad bout all kine stuff, cuz he gotta tink bout plenny stuff, jalike get choke plenny sand on top da beach.

1 Records 22:12

Ony one ting—I like Da One In Charge make um fo you tink good bout eryting you gotta do, an help you undastan wass good an wass bad. Den, wen he put you in charge a da Israel peopo, you goin do wat all da Rules from yoa God, Da One In Charge, tell you fo do.

1 Records 29:30

Dey tell all da stuff dat wen happen wen David stay king, an how strong him, an how eryting stay wit him, an wit da Israel peopo, an wit da kings inside all da odda lands.

Esther 1:13

Da king talk to da guys dat undastan eryting bout wass happening, cuz he do dat erytime he like know bout da rules fo wat he gotta do.

Job 12:18

God take da fancy belt off king guys fo show dey not one king no moa, An put one malo on dem fo show dey ony worka guys now.

Outa Egypt 31:3

An I wen make my Spirit take ova him, fo make him smart fo make nice looking tings, an know all da diffren ways fo do um, an know how fo do any kine job he gotta do.

Outa Egypt 31:6

“An I wen pick Oholiab fo help him, Ahisamak boy. He from da Dan ohana. Get plenny odda peopo dat I wen make smart fo make all kine stuffs. I like dey make all da tings I stay tell you fo make:

Daniel 1:17

God make da four young Israel guys know plenny bout any kine stuff, an undastan how come stay lidat. Dey learn plenny from books, an dey know wat fo do erytime. An Da One In Charge wen give Daniel spesho powa fo help peopo undastan all kine stuff peopo see in dea dreams, an in da tings dey see jalike one dream but dey no stay sleeping.

Daniel 10:1

Da year numba three wen Cyrus stay da king fo Persia, God give one message dat was secret befo time to Daniel (da guy anodda king wen call Belteshazzar). Wat God show Daniel, dat message stay true, an tell bout one big war. He undastan wat dat mean cuz he wen see um, jalike in one dream.

Daniel 11:6

“Bumbye, da Egypt king an da Syria king goin make one deal fo help each odda. One princess from da south goin marry da king fo da north fo make good da deal. But she no goin keep da powa she get an no goin stay strong. An da king fo da Syria land north side no goin be strong too. Goin get one time wen odda peopo goin come an throw out her, da one dat wen marry her, her boy, an da guy dat wen help her. An dey goin kill um all.

Daniel 2:20

Daniel tell, “I goin talk good bout God all da time! He know wat fo do erytime, An he get powa!

Daniel 2:23

You da God fo me an my ancesta guys. I like tell you ‘Mahalo plenny,’ An tell good tings bout you. Cuz you help me know wat fo do erytime, An you give me powa. Wen we aks you fo tell us wat da king wen dream, You tell us guys bout wat he wen dream.”

Daniel 2:9

If you guys no tell me wat I wen dream, I goin punish all you guys da same way! You guys wen make one plan wit each odda, fo bulai me bout dis dream, an trick me, cuz you figga dat bumbye I goin change my mind. Az why now you guys gotta tell me wat I wen dream! Den fo shua I goin know dat you guys can tell me wat da dream mean too.”

Daniel 4:14

Da angel guy yell loud, “Cut down da tree! Chop off da branches! Pull off da leafs! Make da fruits go all ova da place! Make da animals run away from unda da tree! Make da birds fly off da branches!

Daniel 4:17

Us angel messenja guys tell Wat God make up his mind fo do. We stay spesho fo God, An we tell wat goin happen. Cuz we do dat, Erybody dat stay alive goin know dis: Da God Dass Mo Importan Den All Da Odda Gods, He get da powa fo tell All da govmens in da world Wat dey gotta do. He make whoeva he like Come da king fo dem. He even can take one guy Dat nobody tink he importan, An make him da govmen leada.”

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!

Daniel 4:32

Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”

Daniel 7:25

He goin grumble bout da God Dass Mo Importan Den All Da Odda Gods, An put presha on da peopo dat stay spesho fo God. An he goin try fo change Da regula times fo make sacrifice An change da rules from God. He goin get powa Ova da peopo dat stay spesho fo God Fo three an a half year.

Luke 21:15

Cuz I goin give you guys wat fo tell, an I goin make you guys know wat fo do erytime, so da guys dat stan up agains you no goin know wat fo tell, an dey no goin show proof dat you guys wen do wrong.

Rome 13:1

Erybody gotta lissen da govmen guys in charge. Dey get da powa fo tell peopo wat fo do, you know. But da powa dey get, God wen give um dat. Da guys dat get powa right now, dey da ones dat stay in charge cuz God wen put um in charge.

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

Jesus Show 19:16

He get one sign on top his robe an on top his leg, dat tell, “Da King Ova All Da Kings, an Da One In Charge A All Da Bosses.”