Daniel 2:20 - Hawaii Pidgin Bible

²⁰ Daniel tell, “I goin talk good bout God all da time! He know wat fo do erytime, An he get powa!

Daniel 2:20 ပူးပေါင်းရင်းမြစ်များ

Start 14:20

An I like tell dis bout da God Dass Mo Importan Den All Da Odda Gods: He erytime do good tings. He da One dat wen hand ova to you Da guys dat wen give you hard time.” Den Abram take all da stuffs he bring back an make ten pile, an he give one whole pile to Melkizedek, ten percent.

1 Kings 8:56

“Az good us guys tell, Da One In Charge do good tings fo us. All us Israel guys, us his peopo, An us can res now, Jalike he wen make one promise befo time. Da One In Charge wen make dat good promise To his worka guy Moses, An Moses wen tell us we can res too. An eryting Da One In Charge tell he goin do, He do um. Not even one word come poho.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

2 Records 20:21

Afta Jehoshafat tell da peopo wat fo do, he put singa guys fo go in front da guys dat stay ready fo make war. Da singa guys sing fo Da One In Charge. Dey tell good tings bout him cuz he good an spesho, an az why he awesome. Dey sing lidis: “Tell Da One In Charge ‘Mahalo!’ Cuz he stay tight wit his peopo foeva!”

Nehemiah 9:5

Den da main guys from da Levi ohana—dass Jeshua, Kadmiel, Bani, Hashabneiah, Sherebiah, Hodiah, Shebaniah, an Petahiah—dey tell da peopo, “Stan up! Tell erybody da good tings dat Da One In Charge do fo you guys. He stay da God fo you guys, from da time eryting wen start, an foeva an eva!” So den one a dem talk to God lidis: “We like tell erybody da good tings you do! We know you one awesome God! You do mo plenny good tings den us know how fo tell, An you mo awesome den awesome!”

Job 12:13

“Da One In Charge, he da One know wat fo do erytime. He get plenny powa. He da One tell peopo wass da bestes ting fo dem do. He undastan plenny stuff.

Songs 113:1

Eh you guys! Tell good tings Bout Da One In Charge! All you guys dat work Fo Da One In Charge, Tell good tings bout him! Tell good tings cuz you know Wat kine god him!

Songs 113:2

I like fo peopo tell dat Da One In Charge Do good tings Now, an foevas, Cuz dey know who him.

Songs 115:18

But us guys, we stay alive! We goin tell good tings Bout Da One In Charge Now an foevas! Eh! You guys! Tell good tings Bout Da One In Charge!

Songs 147:5

Oua Boss, he big! He real strong! He undastan mo plenny Den us can undastan!

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Songs 50:23

Da peopo dat stay tell me ‘Mahalo!’ Fo wat I do, Dey da ones make Da real kine sacrifice Fo show how awesome I stay. An da peopo dat stay do eryting my way, Me God goin make shua dey see How I get um outa trouble.” Dass wat God tell.

Songs 62:11

God tell dis one time, An I hear dis even moa: God, da ony one Dat get powa fo real kine.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Jeremiah 32:19

You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

Ezekiel 28:3

You tink you know wat fo do erytime Mo betta den Daniel? You tink you know all da secrets?

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Jude 1:24

God, da One dat keep you guys tight wit him an help you no do da bad kine stuff. He awesome, He bring you guys in front him, Da awesome One, He no poin finga you, An you goin stay real good inside.

Jesus Show 5:12

Dey sing wit one loud voice: “Dey wen kill God Bebe Sheep Guy Jalike one sacrifice. So he get da right fo get all kine powa, An rich kine stuffs, An fo know wat fo do erytime, An fo be real strong! He get da right fo erybody show respeck to him, An tell how awesome he stay, An tell him he get one good heart cuz he give us eryting!”