Daniel 12:4 - Hawaii Pidgin Bible

⁴ But you, Daniel, put seal on top da roll up sheep skin, fo eryting inside stay secret till da world pau. Plenny peopo goin run aroun dis side an dat side fo try find out mo plenny bout all dis stuff.”

Daniel 12:4 ပူးပေါင်းရင်းမြစ်များ

Isaiah 11:9

All ova da mountain dat stay spesho fo me, Nobody goin hurt o wipe out nobody. Cuz all ova da world, erybody goin know me, Da One In Charge, Jalike all ova da ocean, da watta stay cova eryting.

Isaiah 29:11

Fo you guys, da tings dat God show Wen come jalike one paypa dat get words on top An somebody roll um up An close um wit one wax kine seal. If you give um to somebody dat know how fo read, An tell um “Read um fo me,” He goin tell, “I no can. Get seal on top um.”

Isaiah 30:26

Da moon goin shine strong, Jalike da sun. An da light from da sun goin come Seven time mo bright den befo, Jalike you get all da light from seven days, In one day! Az how goin happen Afta Da One In Charge wack his peopo. Den, Da One In Charge goin fix um Ery place da bone stay broke, An he goin bandage Da cut he wen give dem.

Isaiah 32:3

Dat time, da peopo dat can see, Dea eyes no goin stay shut. An da peopo dat can hear, Dey goin lissen good.

Isaiah 8:16

“Go write all dis down fo show proof az true. An den turn um ova to da guys I stay teach, Fo keep inside dem all da time, Jalike you tie um up an put wax seal on top.”

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Daniel 10:1

Da year numba three wen Cyrus stay da king fo Persia, God give one message dat was secret befo time to Daniel (da guy anodda king wen call Belteshazzar). Wat God show Daniel, dat message stay true, an tell bout one big war. He undastan wat dat mean cuz he wen see um, jalike in one dream.

Daniel 10:14

Now, I stay come hea fo help you undastan wat goin happen to yoa peopo long time from now. Da ting you see jalike one dream, tell bout one time dat still yet goin come.”

Daniel 10:21

But still yet, I goin tell you wat stay write inside da Book Dat Tell Da Trut. (Gabriel tell: No mo nobody help me agains dose bad spirits dat stay in charge a da odda countries. Ony Michael, da main angel guy fo you Israel guys, he help me.”

Daniel 11:33

“Da leada guys dat undastan wass happening, dey goin teach plenny peopo fo help dem undastan too. But goin get one time, dey goin get plenny problem, cuz da Syria guys goin kill dose leada guys wit swords, o wit fire. Dey goin catch da leadas an throw um in jail an goin take all dea stuffs.

Daniel 11:40

“Wen dat time pau, da Egypt king south side goin try fo push back da Syria king north side. But da Syria king guys goin wack da Egypt king guys jalike one big hurricane, wit war wagons, horse rida guys, an plenny boats. Dey goin attack plenny diffren lands an go thru dem jalike one big flood.

Daniel 12:13

“An you, Daniel, go do yoa work till da day you mahke. Den you goin res. An wen da world pau, you goin come back alive an get yoa share a da good tings God get fo his peopo.”

Daniel 12:5

Den me, Daniel, I look. Right dea in front me, two odda guys stay stan! One guy stay stan on top one side a da riva, an da odda guy stay stan on top da odda side a da riva.

Daniel 12:9

He tell, “Daniel, dass not yoa kuleana. Go awready. No aks mo question. Cuz all dis stuff stay secret till da world pau.

Daniel 8:17

Gabriel come nea da place wea I stay stan. I come real sked an fall down on top da groun in front him. He tell, “You one Fo Real Kine Guy, an you gotta undastan, dat wat you see in dis dream, tell bout da end a da world.”

Daniel 8:19

He tell, “I stay hea fo help you undastan wass goin happen bumbye, wen God goin show dat he stay real huhu an tell ‘Laytas’ to wat peopo do. Wat you wen see, goin happen litto bit befo da time da world end.

Daniel 8:26

“Da ting you wen see, bout da sacrifices fo nite time an morning time—wat you wen hear, az goin happen fo shua! But put one seal on top um fo stay secret, cuz goin be long time befo all dis stuff happen.”

Matthew 24:14

All ova da world goin get peopo dat goin tell all da Good Kine Stuff bout how fo get God fo dea king. All da diffren kine peopos goin hear wass fo real, an den, eryting goin come pau.

Rome 10:18

Wat you tink? You guys tink da Israel peopo neva hear notting, o wat? Fo shua dey wen hear someting! Jalike da Bible tell befo time: “All ova da world, get peopo dat wen hear da Good Kine Stuff. Da tings dey tell, go all ova da world fo peopo hear.”

Jesus Show 10:4

Afta da thunda make noise, I start fo write. But I hear one voice from da sky dat tell, “No write down wat da thunda tell. Dass one secret.”

Jesus Show 22:10

Den da angel tell me, “No close up dis book an put seal on top, cuz den nobody can read um. Almos time now.

Jesus Show 5:1

Den, jalike one dream, I see da One dat stay sit on top da throne, dass God. He get jalike one roll up paypa in his right hand dat get writing on top two side, front side an back side. Befo time dey roll um up an close um wit seven wax kine seal on top.