Daniel 12:3 - Hawaii Pidgin Bible

³ Da ones dat know how come dese tings happen, dey goin shine jalike da sky get plenny light. An da ones dat help plenny peopo fo do da right kine tings, dey goin shine jalike da stars foeva an eva.

Daniel 12:3 ပူးပေါင်းရင်းမြစ်များ

Outa Egypt 34:35

da Israel peopo see how Moses face stay shine. Afta he talk to dem, he put da cloth ova his face one mo time, till da nex time he go inside da Tent Fo Meet Wit Da One In Charge.

Smart Guys 11:30

Da peopo dat erytime do da right ting, Dey help peopo live mo long time. Da peopo dat get odda peopo outa trouble So dey no goin mahke, Dey da kine peopo dat know wat fo do erytime.

Smart Guys 3:35

Da peopo dat know wat fo do erytime, Dey goin get plenny respeck. But az diffren, fo da stupid guys wit attitude. Shame, dass all dey goin get.

Smart Guys 4:18

But fo da peopo dat do wass right erytime, Eryting come mo an mo betta fo dem, Jalike early morning time get ony litto bit light, Den come mo an mo strong till come day time.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Jeremiah 23:22

Too bad, dey neva stan an hear Da secret plan bout wat I goin do, Cuz if dey wen hear dat fo real kine, Den dey go tell wat I tell to da peopo. Dey tell um, ‘Change da way you live, No do wass wrong!’ But dey no do dat.”

Daniel 11:33

“Da leada guys dat undastan wass happening, dey goin teach plenny peopo fo help dem undastan too. But goin get one time, dey goin get plenny problem, cuz da Syria guys goin kill dose leada guys wit swords, o wit fire. Dey goin catch da leadas an throw um in jail an goin take all dea stuffs.

Daniel 11:35

Some a da leada guys dat undastan how come all dis stay happen, dey goin suffa. Az goin be jalike one tes fo da peopo fo make um come clean inside, an no mo notting bad goin stay wit dem. Goin stay lidis till jus da right time.

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Matthew 13:43

Den da guys dat stay do da right tings goin stay wit dea Faddah da King, an be awesome an shine jalike da sun. If you guys hear dis, den lissen up real good!

Matthew 19:28

An Jesus tell, “Az right! An I tell you, I da Fo Real Kine Guy. Wen eryting come new, an wen I sit on top my awesome throne, you guys dat stay my guys right now, goin sit down on top twelve thrones an be da judges fo da peopo inside da twelve Israel ohanas.

Matthew 24:45

“So den, good fo be jalike one worka guy dat da boss can trus. Az cuz dat kine guy figga plenny how fo do tings right. He da guy, da boss goin make him da luna in charge a his house an his ohana, fo him give erybody dea food wen da right time stay come.

John 4:36

Da guy dat harves da crop an bring um inside da store house get pay fo dat. He jalike da guy dat help da peopo fo trus God. Den da guy dat tell um da Good Kine Stuff From God firs, an da guy dat help da peopo trus God, two a dem stay good inside togedda. Cuz da peopo dat trus God cuz a dem, get da real kine life dat goin stay to da max foeva!

John 5:35

Wat John tell stay jalike one lamp dat stay shine bright. Fo short time you guys wen like wat John tell, cuz make you guys stay good inside.

Jesus Guys 13:1

Had guys dat talk fo God an guys dat teach wit da church guys in Antiok: Barnabas, Simeon da popolo guy, Lucius from Cyrene, Manaen da guy dat grow up wit King Herod, an Saul.

1 Corint 3:10

Me, God do plenny good stuff fo me. Jalike I one good builda, God help me teach you guys solid stuff from da start, fo make shua you guys get one solid foundation fo yoa life. But da guy dat goin build on top dat foundation afta me, he gotta make shua he goin do um da right way.

Efesus 4:11

He da same One dat “give us powa.” Dat mean, he give powa to us church peopo. Fo some guys, he give um powa fo go all ova fo tell peopo bout him. Fo odda guys, he give um da powa fo talk fo him. Fo odda guys, he give da powa fo tell peopo da Good Stuff bout him fo dem trus him. An fo odda guys, he give um da powa fo teach his peopo an take kea dem jalike da sheep guys stay take kea dea sheeps.

Hebrews 5:12

You know, time awready fo you guys come teachas. But you guys still yet need somebody fo teach you guys one mo time da easy kine stuffs bout wat God tell. You guys jalike bebes dat need milk, cuz you guys no can handle da solid stuff still yet.

2 Peter 3:15

Da One In Charge a us guys, he stay hang in dea fo give you guys chance fo come outa da bad kine stuff you stay in. Oua good fren, braddah Paul, he wen write you guys da same ting, aah? God wen make him know wat fo do erytime. Az why he write lidat.

Jesus Show 1:20

Da seven stars you see inside my right hand, an da seven gold stans fo put da lamps on top, dass one secret dat I goin tell you now. Da seven stars, dey da seven messenja guys fo da seven churches. An da seven gold stans fo put da lamps on top, dey da peopo inside da seven churches.”

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.