Daniel 11:4 - Hawaii Pidgin Bible

⁴ Afta he mahke, his peopo goin broke up in four part, an da land wea he was king goin come four countries. Da ones dat come kings fo dose countries, no goin be from his blood, an da countries no goin be da same jalike wen he was king. But odda guys goin grab da land wea he was da king, an take ova da new countries.

Daniel 11:4 ပူးပေါင်းရင်းမြစ်များ

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Jeremiah 12:15

An afta I throw out all dose diffren peopos from dea place, I goin show love an pity fo dem, an bumbye I goin bring all dem back to dea property an dea land.

Jeremiah 12:17

But if get peopo dat no lissen, I goin throw dem out from dea place an wipe um out.” Az da message from Da One In Charge.

Jeremiah 18:7

If bumbye I tell dat I goin pull out one peopo o one king an his peopo from da land, an wipe um out,

Jeremiah 31:40

Inside da valley wea dey throw da mahke bodies an da ashes, an on da fields on da side a da valley from dea to da Kidron Stream, den to da corna nea da Horse Gate on da east side, all dat goin stay spesho fo me, Da One In Charge. Nobody goin bus up Jerusalem one mo time.”

Jeremiah 45:4

Den Da One In Charge tell Jeremiah, “Tell Baruk dis: ‘Dis wat me Da One In Charge tell: I stay ready fo bus up wat I wen build. I stay ready fo pull out wat I wen plant. Dass wat goin happen all ova da world.

Jeremiah 49:36

I goin bring armies fo fight da Elam peopo, Jalike I stay make da four winds come agains um. Da winds goin come from all ova da sky. I goin make da Elam peopo come prisonas, An I goin sen um to all da lands, Jalike dey go wea eva da wind blow um. No goin get even one nation Dat no mo prisonas, Da prisonas I throw outa Elam!

Ezekiel 37:9

Da One In Charge tell, “Eh! Fo Real Kine Guy! Talk to da wind fo me. Tell, ‘Dis wat me, Da One In Charge, da Boss, tell: Eh wind! Go come from four sides, an breave inside dese mahke bodies dat get kill fo dem come back alive one mo time.’ ”

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Daniel 7:6

“Afta dat I look one mo time. Get anodda wild animal, jalike one leopard. On top da back get four wing jalike one bird. Da animal get four head. Somebody give um da powa fo stay in charge a da peopo.

Daniel 7:8

“Wen I still tink bout da horns, get anodda small kine horn come up inside da middo a da odda horns. Dis horn make three a da horns dat stay dea firs time, broke off. Dis horn, get eyes jalike peopo, an get one mout dat talk big.

Daniel 8:22

Da four horns dat come up wen da firs horn broke off, dass four king kine lines dat goin take ova afta da firs king. But dey no goin get da same kine powa jalike da firs one.

Daniel 8:8

Da goat come mo strong still yet. But wen he come mo strong, somebody broke off da big horn. Den on top dat place, four horns grow up to da four winds inside da sky.

Zekariah 2:6

Da One In Charge tell, “Bummahs! Run! Run away from da Babylon land, dat stay come from da north road! Cuz I wen make you guys scatta all ova da place, jalike da four winds!

Zekariah 6:5

Da angel tell me, “Dese, da four spirits from da sky. Dey stay go out afta dey wen stan in front da Boss Fo Da Whole World.

Matthew 12:25

Jesus know wat dey tink. He tell um, “Da country dat beef each odda, dey ony bus up dea country. Da town o da ohana dat beef each odda, no can stay strong.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Jesus Show 7:1

Afta dat, jalike one dream, I see four angel guys stan by da four cornas a da earth. Dey stay hold back da four winds so dey no can blow on top da land o da ocean o on any tree.