Daniel 10:2 - Hawaii Pidgin Bible

² Da time da message come, me, Daniel, I stay feel sore inside fo three week.

Daniel 10:2 ပူးပေါင်းရင်းမြစ်များ

Nehemiah 1:4

“Wen I hear dis, I sit down an cry plenny. Fo days I stay cry, an no eat notting so can pray. I stay pray in front da God dat live inside da sky.”

Songs 42:9

I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Songs 43:2

Cuz you da God fo me. You jalike One strong wall so I no get hurt. So, how come you wen dump me?! How come I gotta live real sore inside, An da peopo dat stay agains me, Dey erytime come afta me?!

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Daniel 10:12

Den he tell me, “No sked, Daniel. Cuz from da firs day dat you wen try fo undastand da message from God, an fo no get one big head in front yoa God, he wen hear wat you tell. I come hea now cuz a wat you tell.

Matthew 9:15

Jesus tell um, “Wat you tink? You go one wedding an make sad face an cry wen da guy dat stay get married stay dea? No way! Bumbye, da time goin come wen dey goin take away da guy dat stay get married, an den, dat time, his frenz goin skip food.

Rome 9:2

I tell you guys dis: Inside I stay plenny sore an I stay hurt all da time. I stay lidat inside cuz a how my peopo stay.

James 4:9

Dat mean, you guys gotta come real sorry, an suffa inside, an cry hard. No laugh no moa, an start fo cry. No feel good inside, but come real sore inside long time.

Jesus Show 11:5

If somebody like hurt dem, fire come outa da guys mout an burn dem up. Dass how da guys goin wipe out whoevas go agains dem.