Daniel 1:9 - Hawaii Pidgin Bible

⁹ God awready wen make Ashpenaz, da guy in charge, come tight wit Daniel, an he show him pity.

Daniel 1:9 ပူးပေါင်းရင်းမြစ်များ

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 39:21

Da One In Charge, he stay tight wit Joseph inside dea too, an take kea him. Da One In Charge even make da guy in charge a da jail like Joseph plenny.

1 Kings 8:50

Let go all yoa peopo Dat wen do bad kine stuff agains you, An dat wen go agains you. Da peopo dat wen make yoa peopo prisonas, Make dem show pity, An give yoa peopo chance.

Nehemiah 1:11

Eh! You my boss, so I stay praying hard fo you fo lissen good. Get odda peopo, you da boss fo dem too, an dey stay good inside cuz dey know wat kine god you, no matta dey sked wen dey in front you. Dey stay tell you da same ting. So I like you make eryting come good fo me today. Cuz I goin aks da King fo do someting real good fo me. Az why I stay aks you, God, fo make him lissen wat I get fo tell.” Dat time, I was da guy in charge a da wine da king goin drink.

Nehemiah 2:4

Da King tell, “Wat you like me fo do?” I wen pray inside to da God Dat Stay Inside Da Sky.

Esther 2:9

Hegai like Esther plenny, an he do plenny nice tings fo her. He tell da helpa wahines fo make her come mo pretty still yet, an make spesho food dass ony fo her. He pick seven young wahines from King Xerxes palace fo take kea her. He move Esther an her wahines to da bestes place inside wea all da wahines stay.

Job 5:15

Da peopo dat get plenny powa, Wen dey talk, can hurt you jalike one sword. But God, he get da peopo dat no mo notting Outa trouble from da strong guys.

Job 5:16

Den da guys dat no mo notting can trus God an wait. Da guys dat do wass wrong no can open dea mout.

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Songs 4:3

You guys gotta know dis: Da One In Charge, he make spesho kine To da guys dat stay tight wit him. He make um come his guys fo real kine. Wen I yell fo Da One In Charge help me, he lissen!

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Daniel 1:10

But da guy tell Daniel, “I sked a my boss da king, cuz he wen tell me wat kine food you guys gotta eat an wat fo drink. Bumbye he goin see you look mo worse den all da odda guys da same age as you. Den da king goin chop off my head cuz a dat.”

Jesus Guys 7:10

God take him outa all da trouble he stay in. He make him know wat fo do erytime, an help him. Da king fo Egypt, da Pharaoh guy, he figga Joseph one good guy. So Pharaoh make him da leada fo da Egypt land an all his palace.