Colosse 4:8 - Hawaii Pidgin Bible

⁸ Dass why I stay sen um by you guys, so you guys know how we stay, an he goin give you guys good kine words.

Colosse 4:8 ပူးပေါင်းရင်းမြစ်များ

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

1 Corint 4:17

Az why I stay sen Timoty fo help you guys. I love him jalike he my boy. He one guy I trus, cuz he stay tight wit Da One In Charge too. He goin help you guys fo no foget da way I do eryting cuz I stay tight wit Jesus, God Spesho Guy. Dass jalike how I stay teach da peopo dat come togedda fo church all ova da place.

2 Corint 1:4

He give us good kine words weneva we get hard time, an cuz a dat, us can give good kine words to da odda peopo dat get any kine hard time. We give dem good kine words jalike God wen give us.

2 Corint 12:18

I wen tell Titus fo go by you guys, an I wen sen da odda braddah wit him. An den, you tink Titus wen rip you guys off? No ways! Me an Titus, us guys do da same kine tings cuz we tink da same way, you know.

2 Corint 2:7

So now, let um go an no stay mad at him. Talk nice to him. No good da guy come bum out an give up cuz he awready come real sad cuz a you guys.

Efesus 6:22

Dass why I goin sen him by you guys fo you guys know how we stay ova hea, an fo him give you guys good kine words.

Philippi 2:28

Dass why fo real kine I sen him back ova dea. Wen you guys see him one mo time, you guys goin feel good inside, an me, I no need worry notting.

Colosse 2:2

I like give dem guys good kine words fo dem come togedda wit love an aloha. Den dey goin know fo shua dat dey undastan all dat good stuff. Dey goin find out eryting bout da secret God get fo us. An dass Christ!

1 Tessalonika 2:11

We wen treat erybody jalike one faddah treat his kids.

1 Tessalonika 3:5

Wen I wen feel real sad cuz I no can see you guys, I wen sen Timoty ova dea fo find out if you guys stay trus God still yet. Cuz I wen worry, an I stay figga, “Satan try fo make all us guys do bad kine stuff. An if my Tessalonika braddahs an sistahs lissen Satan, den dey goin do wat he like dem fo do. Den bumbye all da kine hard work us guys wen do was good fo notting.”

1 Tessalonika 4:18

So den, go give each odda dis kine good words, jalike I stay tell you guys now.

1 Tessalonika 5:11

So den, give each odda good kine words, an help each odda come mo solid inside, jalike you guys stay do awready.

1 Tessalonika 5:14

My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.

2 Tessalonika 2:17

I like dem give you guys good kine words fo make you guys strong an solid inside fo you do an tell good kine stuff erytime.