Colosse 4:6 - Hawaii Pidgin Bible

⁶ Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

Colosse 4:6 ပူးပေါင်းရင်းမြစ်များ

1 Records 16:24

Tell all da diffren peopos da One In Charge story bout How awesome Da One In Charge stay! Tell all da diffren peopos Da awesome tings he wen do Dat peopo no can do!

Songs 105:2

Sing fo him, Make music fo him. Tell ova an ova All da awesome kine tings he do!

Songs 119:13

I tell da peopo All da tings you tell cuz you da judge.

Songs 119:46

Da tings you tell me fo do, I no mo shame fo talk bout dem In front da king guys!

Songs 45:2

From all da guys dat get, You da mos good looking. Erytime you talk, show you get aloha. Az why God do good tings fo you erytime.

Songs 66:16

All you peopo dat feel Sked an shaking in front God, Go come ova hea an lissen up! I goin tell da story Bout eryting God wen do fo me.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Smart Guys 15:4

You tell peopo tings dat kokua dem, Dat make um come alive inside. Wen you tell dem words fo jam dem up, Dat make um lose fight.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Teacha 10:12

Da guy dat know wat fo do erytime talk good kine, But da stupid guy mout make him come wipe out.

Ezekiel 43:24

Make sacrifice wit dem in front Da One In Charge. Da pries guys goin sprinkle salt on top um fo no foget da deal I wen make wit you guys. Az how you goin make one burn up kine sacrifice fo Da One In Charge.

Prieses 2:13

“Put salt wit all yoa wheat o barley sacrifice. Az fo no foget da deal dat me yoa God wen make wit you guys. No make one wheat o barley sacrifice dat no mo salt. Put salt wit all yoa sacrifices.

Matthew 5:13

“You guys know how da food need salt fo stay good long time. Same ting, da peopo all ova da world need you guys. But if da salt no do wat suppose to do, how you goin make um do wat suppose to do one mo time? No can! Dat kine salt no good. Ony good fo throw da salt outside wea da peopo walk.

Mark 9:50

Da salt good stuff. But if da salt no do wat suppose to do, how you goin make um do wat suppose to do one mo time? You guys gotta be fo real, jalike da salt! No fight no moa, an try stay good wit each odda.”

Luke 4:22

Erybody dat hear him talk good bout him. Dat blow dea mind cuz he talk good. Dey tell, “Eh, dis Joseph boy, aah?”

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Rules Secon Time 11:19

Teach um to yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you get up.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

1 Peter 3:15

Get choke respeck fo Christ cuz he stay inside you an he stay spesho fo God. Erytime stay ready fo tell anybody dat aks you how come you know eryting goin come out good fo you.